საფრანგეთი ახალი სასწავლო წლიდან სკოლების დაცვას გააძლიერებს

2016-08-24 16:02:33, 2007 ნახვა

მსოფლიო

საფრანგეთის ხელისუფლება ტერორისტული საფრთხის ფონზე ახალი სასწავლო წლის დაწყებისთვის სკოლების დაცვას გააძლიერებს, - ამის შესახებ საფრანგეთის შინაგან საქმეთა მინისტრმა ბერნარ კაზნევმა ელისეს სასახლეში გამართული უშიშროების საბჭოს სხდომის შემდეგ განაცხადა.

როგორც კაზნევმა აღნიშნა, სექტემბრიდან საფრანგეთის მთელ ტერიტორიაზე სკოლების მახლობლად მობილური პატრულ იმოქმედებს. სასწავლო დაწესებულებების უსაფრთხოებას დამატებით 3000-ზე მეტი რეზერვისტი უზრუნველყოფს.

საფრანგეთში ბოლო პერიოდში განხორციელებული თავდასხმების შემდეგ ხელისუფლებამ ტერორიზიმის წინააღმდეგ ბრძოლა ერთ-ერთ მთავარ პრიორიტეტად დაასახელა.

შეგახსენებთ, რომ ნიცაში მომხდარ ტერაქტს 86 ადამიანი ემსხვერპლა, რის შემდეგ პრეზიდენტმა ფრანსუა ოლანდმა საფრანგეთში საგანგებო მდგომარეობა კიდევ 6 თვით გამოაცხადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან