ცენტრალური საარჩევნო კომისია ბოლო პერიოდში ძალიან უცნაურად იქცევა, დაწყებული იმ ცნობილი ამბიდან, როდესაც არარსებული პარტიის არარსებული ხელმძღვანელებს საარჩევნო რეგისტრაცია მიანიჭეს და შემდეგ აქტიურად და ქმედითად გვიხსნიდნენ, რომ თურმე საარჩევნო დოკუმენტაციის შემოწმება მათი საქმე არ არის, - ამის შესახებ დღეს გამართულ პრესკონფერენციაზე თავდაცვის ყოფილმა მინისტრმა, ზესტაფონში „რესპუბლიკელების“ მაჟორტარობის კანდიდატმა თინა ხიდაშელმა განაცხადა.

მისივე თქმით, ცესკო ვერ გაექცევა პასუხისმგებლობას ამ რეგისტრაციის გამო.

„ვისურვებდი, რომ ხელისუფლებამ რაც შეიძლება ქმედითად გასცეს ამას პასუხი, რადგან ეს არ არის რიგითი შემთხვევა. ეს ქვეყნის ეგზისტენციალურ საკითხებს ეხება,  ეს ქვეყნის არსებობას, სუვერენიტეტს და ამიტომ ძალიან მნიშვნელოვანია, გამოიკვეთოს პასუხისმგებელი პირები“,-აღნიშნა თინა ხიდაშელმა.

ხიდაშელის თქმით, ამის შემდეგ ცესკომ თქვა, რომ იმ ცხრა პოლიტიკურ პარტიაზე, რომლებსაც ანალოგიური ტიპის პრობლემები აქვთ, არ მიიღებდა გადაწყვეტილებას, ეს საერთოდ გაუგებარი.

„დღეს ცესკო-მ გადაწყვიტა თავად, დაჯდა და გადაწყვიტა, კანონის მოთხოვნის საწინააღმდეგოდ, რომ რომელიღაც პარტიებს უნდა მისცეს საარჩევნო ნომრები და სხვა პარტიებმა წილისყრაში  მიიღონ მონაწილეობა. ეს არის კანონის პირდაპირი დარღვევა და  დიდი იმედი მაქვს, რომ ცესკო ამ უგუნურ გადაწყვეტილებას არ მიიღებს“,-აღნიშნა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს