აშშ-ის ვიცე-პრეზიდენტმა, ასევე ლატვიის, ლიტვისა და ესტონეთის პრეზიდენტებმა რიგაში უსაფრთხოებისა და თავდაცვის სფეროში თანამშრომლობის გაღრმავების შესახებ ერთობლივ დეკლარაციას მოაწერეს ხელი. ამის შესახებ ლატვიის პრეზიდენტის კანცელარია იტყობინება.

როგორც დოკუმენტშია ნათქვამი, დეკლარაციის ხელმომწერი ქვეყნების წარმომადგენლები რეგულარულ შეხვედრებს გამართავენ, რა დროსაც განიხილავენ უსაფრთხოებისა და თავდაცვის სფეროებში პრიორიტეტებს, სახმელეთო, საჰაერო და საზღვაო თავდაცვას, საზღვრების უსაფრთხოებას, ნაციონალურ სტაბილურობას, ტრანსნაციონალურ საფრთხეებს. აშშ და ბალტიის ქვეყნები ასევე მზადყოფნას გამოთქვამენ, გააგრძელონ თანამშრომლობა კიბერსაფრთხეების წინააღმდეგ ბრძოლასა და ენერგოუსაფრთხოების  გაძლიერებაში.

რიგაში სიტყვით გამოსვლისას ჯო ბაიდემა განაცხადა, რომ აშშ ნატო-ს მოკავშირეების წინაშე თავისი ვალდებულებების ერთგული რჩება.

აშშ-ის ვიცეპრეზიდენტი ლატვიაში ვიზიტით 23 აგვისტოს ჩავიდა. ბალტიის ქვეყნების ლიდერებთან შეხვედრის  გარდა, მან ორმხრივი მოლაპარაკებები ლატვიის პრეზიდენტთან რაიმონდს ვეინისთან და პრემიერ-მინისტრთან მარის კუჩინსკისთან გამართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს