„დემოკრატიული მოძრაობის“ ერთ-ერთი ლიდერი გიორგი ახვლედიანი უბლოკო სტატუსთან დაკავშირებული ინიციატივის ჩაშლაში პოლიტიკურ ქვეტექსტებს ხედავს.

როგორც ახვლედიანმა განაცხადა, დეპუტატებს, რომლებიც საპროცედურო საკითხთა კომიტეტის წევრები არიან ისტერიულ, პანიკურ შიშში არიან უბლოკო სტატუსის იდეაზე.

“ის, რომ მეორედ ჩავარდა საკითხი დეპუტატების გამოუცხადებლობის გამო, ფაქტია, რომ პოლიტიკური ქვეტექსტი აქვს ამას. დეპუტატებს, რომლებიც წევრები არიან კომიტეტის პრაქტიკულად ისტერიულ პანიკურ შიშში არიან იმ იდეასთან დაკავშირებით, რომელიც უბლოკო სტატუსს გულისხმობს, რადგან ის საზოგადოებაში ძალიან პოპულარული იდეაა”, - განაცხადა ახვლედიანმა.

მისივე თქმით,  სრულიად გაუგებარი, არაადეკვატური ხერხით ცდილობენ ხელი შეუშალონ უბრალო ბლანკის გაცემას, რომ ხელმოწერების შეგროვების დაწყება შესაძლებელი იყოს.

„ისინი ვერც კი იაზრებენ იმას, რომ ამით თემას, რომლისაც ასე ეშინიათ პოპულარიზაციას უწევენ თავადვე. ჩვენ ამას ძალიან მკაცრ პოლიტიკურ შეფასებას მივცემთ და მოვძებნით სამართლიან ბერკეტებს”, - განაცხადა ახვლედიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს