ჩვენ წარსულს ჩავაბარეთ ხელკეტებით დევნა, ცემა-ტყეპა, შეურაცხყოფების მიყენება საარჩევნო კამპანიის დროს, როგორც ეს სულ რაღაც ოთხი წლის წინ ხდებოდა, - ამის შესახებ საქართველოს, ვიცე-პრემიერმა კახა კალაძემ ბოლნისში, „ქართული ოცნების“ მაჟორიტარობის კანდიდატის, გოგა მეშველიანის წარდგენინსას განაცხადა.

მინისტრის თქმით, "ქართული ოცნება" პირობას აძლევს მოსახლეობას, რომ საქართველოში აღარასდროს დაბრუნდებიან ისეთი მთავრობები, რომლებიც დაუშვებენ ძალადობას. 

"თითოეულმა ჩვენგანმა საკუთარ თავზე გამოსცადა, როგორი იყო საარჩევნო კამპანიის ჩატარება ასეთ პირობებში.  ჩვენ ვაშენებთ თავისუფალ, დემოკრატიულ სახელმწიფოს, რომელიც იქნება დაფუძნებული დემოკრატიულ ინსტიტუტებსა და ღირებულებებზე. ჩვენთვის მთავარი და მნიშვნელოვანი დღეს არის ქვეყნის ეკონომიკურად განვითარება, სწრაფი განვითარება, რომ თითოეულმა მოქალაქემ იგრძნოს კეთილდღეობა“, - განაცხდა კალძემ.

როგორც კალაძემ აღნიშნა, მმართველმა გუნდმა დაამტკიცა, რომ შესაძლებელი ყოფილა ქვეყნის მართვა ოჯახების გაუბედურების, დაშინებების გარეშე. 

"ეს რეალობა ჩვენს მიერ არის შეცვლილი. ნამდვილად მეამაყება, რომ დღეს საქართველოში თითოეული მოქალაქის უფლებები თანაბრად არის დაცული, მიუხედავად მათი განსხვავებული აზრისა, პოლიტიკური შეხედულებებისა. ნამდვილად მეამაყება,  რომ დღეს საქართველოში შესაძლებელია საარჩევნო კამპანიის ჩატარება თავისუფალ, მშვიდ, წყნარ გარემოში. ძალიან დიდი მადლობა იმისთვის, რაც ჩვენ გავაკეთეთ ბოლო წლების განმავლობაში. მადლობა იმისთვის, რომ 2012 წელს ჩვენ ჩვენი ქვეყნის მოსახლეობასთან ერთად ქვეყანაში მოვახდინეთ გარდატეხა", - აღნიშნა ვიცე-პრემიერმა. 

მისივე თქმით, ნებისმიერ პოლიტიკურ პარტიას, ნებისმიერ პოლიტიკურ სუბიექტს აქვს შესაძლებლობა, გააცნოს  ხედვა ჩვენი ქვეყნის მოსახლეობას, თუ როგორ წარმოუდგენიათ ქვეყნის განვითარება, შესაბამისად, საქართველოს მოქალაქეებმა არჩევნების გზით მიიღონ გადაწყვეტილება, თუ ვინ უნდა იყოს ქვეყნის ხელისუფლებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს