დეპუტატ თამაზ მეჭიაურის განცხადებით, ზვიად ჩიტიშვილისა და ლევან მამალაძის პარტიების „საარჩევნო ბლოკ - ერთიანი საქართველოში" გაერთიანების გამო პროტესტი არავის მხრიდან არ გამოთქმულა. 

როგორც თამაზ მეჭიაურმა "ექსპრესნიუსთან" საუბარში აღნიშნა, სანდრო ბრეგაძემ არა თუ დატოვა საარჩევნო ბლოკი არამედ კოალიციაში გაწევრიანება არ მოისურვა. 

"აღნიშნულ კოალიციაში აქამდე ოფიციალური სტატუსი არც მე და არც სანდროს არ გვქონია. უბრალოდ შემდეგ, კოალიციამ მე თავმჯდომარედ ამირჩია. შეგიძლიათ სანდროს და ლალის კითხოთ თუ რატომ არ მოისურვეს ჩვენთან შემდგომი თანამშრომლობა. აღვნიშნავდი, რომ თანამებრძოლებს ასე ადვილად არ ვტოვებთ. მათ გადაწყვეტილებას პატივს ვცემ და არ გამოვრიცხავ, რომ თვითონვე ჩამოაყალიბონ არანაკლები სერიოზული პოლიტიკური ორგანიზაცია", - განაცხადა მეჭიაურმა. 

მეჭიაურის თქმით, ყოველთვის აცხადებდა და ახლაც ამბობს, რომ საარჩევნო ბლოკის კარი ყველასთვის ღიაა.

სანდრო ბრეგაძემ, თამაზ მეჭიაურის, ზვიად ჩიტიშვილისა და ლევან მამალაძის პარტიების გაერთიანების გამო, „საარჩევნო ბლოკი – ერთიანი საქართველოსთვის“ დატოვა. 

როგორც ბრეგაძემ "ექსპრესნიუსს" განუცხადა ჯერ ჯერობით ოფიციალური გადაწყვეტილება არ მიუღია. მან კოალიციის შექმნის შესახებ პრესიდან გაიგო და სიტუაციაში გარკვევის შემდეგ, გადაწყვეტილებას მიიღებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს