თამაზ მეჭიაურთან დაკავშირებულ საარჩევნო კოალიციას პარტია ”ჩემი სამშობლო” შეუერთდა. 
ამის შესახებ განცხადება თამაზ მეჭიაურმა და პარტიის წევრებმა გააკეთეს. 

”ჩემი სამშობლოს” თავმჯდომარეა ზვიად ჩიტიშვილი, პარტიის პოლიტსაბჭოს წევრებს შორის არიან - ტრისტან წითელაშვილი და გია კორკოტაშვილი.

როგორც მეჭიაურმა განმარტა, ამჟამად კოალიციაში შემავალი სუბიექტებია: პარტია ”ენა, მამული, სარწმუნოება”, რომელიც საარჩევნო სუბიექტად დარეგისტრირდა, როგორც ”თამაზ მეჭიაური - ერთიანი საქართველოსთვის”, ასევე ”სახალხო ხელისუფლება” და ”ქალთა პარტია”. კოალიციას დღეს ”ჩემი სამშობლო” შეუერთდა. 

კოალიციას მეჭიაური ხელმძღვანელობს. 
​
”კოალიციაში შემავალი პარტიების ძირითადი პრინციპები სრულ თანხვედრაშია და გამომდინარე აქედან, ჩვენ ერთად გავაგრძელებთ საარჩევნო კამპანიას. კონსულტაციები მიმდინარეობს სხვა სუბიექტებთან და არ არის გამორიცხული, უახლოეს პერიოდში ასეთივე ინფორმაცია მოგაწოდოთ”, - განაცხადა თამაზ მეჭიაურმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს