ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას აცხადებს, რომ თუ წინასაარჩევნოდ პაატა ბურჭულაძის პარტია „გირჩთან“, „ახალ მემარჯვენეებთან“ და „ახალ საქართველოსთან“ გაერთიანდება, ამან შესაძლოა, არჩევნებზე სერიოზული შედეგები მოიტანოს.

„„გირჩის“, „ახალი საქართველოს“, „ახალი მემაარჯვენეებისა“ და პაატა ბურჭულაძის პარტიის შესაძლო გაერთიანება მოსალოდნელი იყო. გამომდინარე იქიდან, რომ პაატა ბურჭულაძე ძალიან სწრაფად აყალიბებდა პარტიას და ფილტრაციის არანაირი ინსტრუმენტი არ ქონდა და სწორედ ამიტომ, ეს ყოველივე ბუნებრივი პროცესია. პაატა ბურჭულაძეს ხალხში გარკვეული მხარდაჭერა აქვს, მაგრამ პოლიტიკური გამოცდილება და ინფრასტრუქტურა არ გააჩნია, ხოლო დანარჩენ პარტიებს ელექტორატის მხარდაჭერა არ აქვთ. გააჩნია როგორ განვითარდება მოვლენები, შესაძლოა, ამ გაერთიანებამ სერიოზული მხარდაჭერა მოიპოვოს“, - აცხადებს ხუხაშვილი.

შეგახსენებთ, რომ ამ წუთებში პაატა ბურჭულაძის პარტიის ოფისში, პაატა ბურჭულაძის პარტიას „სახელმწიფო ხალხისთვის“ „გირჩთან“, „ახალ საქართველოსა“ და „მემარჯვენეებთან“ გაერთიანების თაობაზე შეხვედრა მიმდინარეობს. 

როგორც შეხვედრის დაწყებამდე ”გიჩის” ერთ-ერთმა ლიდერმა ზურაბ ჯაფარიძემ ჟურნალისტებს განუცხადა, პრინციპულად მნიშვნელოვანია ქვეყანაში მოხდეს პროდასავლური ძალების გაერთიანება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს