სტუდენტური მოძრაობა “აუდტირია 115” სამტრედიის მუნიციპალიტეტის სოფელ დაფნარში   მომხდარ ტრაგედიასთან დაკავშირებით განცხადებას ავრცელებს.

“ჩვენს სახელმწიფოში არსებულმა ძალადობრივმა ნარკოპოლიტიკამ და პოლიციურმა რეჟიმმა კიდევ ერთი მოქალაქე შეიწირა.  დემურ სტურუამ მრავალჯერადი მუქარის შემდეგ სიცოცხლე თვითმკვლელობით დაასრულა. ეს არის სწორედ ის პოლიციური რეჟიმი, რომელიც ყოველდღიურად ძალადობს მოქალაქეებზე და რომელიც, დაწყებული წინა ხელისუფლებიდან, გრძელდება დღემდე,” – აღნიშნულია მოძრაობის გავრცელებულ განცხადებაში.

“აუდიტორია 115” მიიჩნევვს, რომ  ქვეყანაში მოქალაქეები მუდმივად განიცდიან ღირსების შემლახველ მოპყრობას სახელმწიფოს მხრიდან. მათივე აზრით, მსგავსი პრაქტიკის არსებობა ყოველგვარი საზოგადოებრივი კონტროლის მექანიზმის გარეშე დაშვებულია, რაც დაუცველს ტოვებს ნებისმიერ მოქალაქეს:

“ასევე, საყურადღებოა ისიც, რომ მსგავსი მძიმე შემთხვევების მსხვერპლნი ძირითადად ყველაზე მოწყვლადი ჯგუფების წარმომადგენლები ხდებიან. ადამიანები, რომელებიც დაბალ სოციალურ ფენას, კლასს წარმოადგენენ. აქ ნაკლებად იციან და აქვთ შესაძლებლობა თავი დაიცვან შანტაჟისაგან და დაიცვან თავიანთი უფლებები. ამ ხალხისთვის ხმამაღლა საუბარი და ბრძოლა სასტიკი რეჟიმის წინააღმდეგ თითქმის შეუძლებელია. არსებულ მდგომარეობაზე პასუხისმგებლობა ეკისრება შსს-ს მაღალჩინოსნებს, რომლებიც წლების განმავლობაში ქმნიდნენ და აშენებდნენ ძალადობრივ სტრუქტურას, კლავდნენ, აშინებდნენ და ციხეში სვამდნენ მოქალაქეებს; ხელისუფლებასა და პარლამენტის კონკრეტულ დეპუტატებს (სხვადასხვა პარტიიდან) , რომლებმაც მხარი არ დაუჭირეს ჰუმანური ნარკოპოლიტიკის კანონპროექტს და მოქალაქეები ამ სასტიკი პოლიტიკის წინაშე უძლურები დატოვეს. აუდიტორია #115 უსამძიმრებს დაღუპული დემურ სტურუას ოჯახს.”

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს