"საქართველოს პატრიოტთა ალიანსი" ქორწინებასთან დაკავშირებით, რეფერენდუმის ჩატარებაზე პრეზიდენტის უარს უარყოფითად აფასებს.

პარტიის თავმჯდომარის დავით თარხან-მოურავის განცხადებით, საქართველოს  კონსტიტუციაში მკაფიო ჩანაწრი უნდა  არსებობდეს იმის თაობაზე, რომ ოჯახი ქალისა და  მამაკაცის  ერთობლიობაა:

"რეფერენდუმთან დაკავშირებით პრეზიდენტის უარს უარყოფითად ვაფასებ. ვთვლი, რომ საქართველოს  კონსტიტუციაში მკაფიო ჩანაწრი უნდა  არსებობდეს იმის თაობაზე, რომ ოჯახი არის მამაკაცისა და მანდილოსნის ერთობლიობა. ყველა ქვეყანას,  მათ შორის, საქართველოს აქვს თავისი კულტურა, თავისი მენტალობა, ზნე-ჩვეულებანი  და ყველა ქვეყანა უნდა ვითარდებოდეს სწორედ ამ კულტურული მემკვიდრეობისა და  ზნე-ჩვეულებების მიმართულებით.ქართული  ზნეობა ასეთია  და მიმაჩნია, რომ ძალიან კარგი იქნება, თუ ეს დაფიქსირდება კონსტიტუციაში. თავად ვიყავით ამ ინიციატივის არაერთგზის ლობისტები,  რეფერენდუმის გამოცხადების გარეშეც უამრავჯერ  ხელმოწერები შეგვიგროვებია ამ მოთხოვნით და მიგვაჩნია, რომ ეს არის კარგი საქმე. თუ ჩვენ აღმოვჩნდებით პარლამენტში, აუცილებლად ამ საქმეს წავწევთ წინ",-განაცხადა დავით თარხან-მოურავმა.

შეგახსენებთ,  პრეზიდენტმა ქორწინების საკითხზე რეფერენდუმის ჩატარებასთან დაკავშირებით საინიციატივო ჯგუფის მოთხოვნა არ გაიზიარა და რეფერენდუმის დანიშვნაზე უარი განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს