უფრო დიდი სისულელეებიც მოგვისმენია, ვიდრე მდინარაძის დღევანდელი განცხადებაა, - ასე ეხმაურება „ნაციონალური მოძრაობის” მედია მდივანი ირმა ნადირაშვილი ”ქართული ოცნების” წევრის, მამუკა მდინარაძის დღევანდელ განაცხადებას, რომელიც საკონსტიტუციო სასამართლოს მოსამართლეების - კონსტანტინე ვარძელაშვილის, ქეთევან ერემაძისა და მაია კოპალეიშვილის განცხადებას გამოეხმაურა.

ნადირაშვილის თქმით, მდინარაძის განცხადება ხელისუფლების მხრიდან საკონსტუტიციო სასამართლოს მიმართ დამოკიდებულების გამოხატულებაა.

„ჩვენ  უფრო დიდი სისულელეებიც მოგვისმენია, ვიდრე მდინარაძის დღევანდელი განცხადებაა. მაგალითად, როცა  ჭიკაიძე ამბობდა რომ საბურავებს ვაგროვებთ რევოლუციისთვის, ან მოვლენები, როდესაც ფიქრობდნენ რომ რუსთავი 2-ს ეზოში რევოლუციას ვაპირებდით. ცხადია ესაა სისულელე და თავისთავად მდინარაძის, ვოლსკის, ბესელიას განცხადებები არის პირდაპირი დამოკიდებულების გამოხატულება ხელისუფლებისა საკონსტიტუციო სასამართლოს მიმართ. მათ მოსამართლეები მიიყვანეს იმ კრიზისამდე, რომ ისინი უარს ამბობენ თავიანთი ძირითადი მოვალეობა მართლმსაჯულება განეხორციელებინათ. ჩვენ დავასრულებთ ოცნების მთავრობას 8 ოქტომბერს“, - განაცხადა ირმა ნადირაშვილმა.

ცნობისთვის, „ქართული ოცნების” წევრმა მამუკა მდინარაძემ დღეს განაცხადა, რომ „ნაციონალურმა მოძრაობამ” საკონსტიტუციო სასამართლო სისტემაზე კონტროლი დაკარგა.

„დაგეგმილი ღონისძიება, რომელსაც პირობითად საკონსტიტუციო გადატრიალება თუ რევოლუცია ერქვა, კრახით დასრულდა”, - აღნიშნა მამუკა მდინარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე