„გოთუას 12-ში მშენებლობა არ გაგრძელდება, ვიდრე არ იქნება გეოლოგების კვალიფიციური დასკვნა მორღვეული კედლის გამაგრებისა და მშენებლობის გაგრძელების მიზანშეწონილობის თაობაზე,“  - ამის შესახებ საბურთალოს რაიონის გამგებელმა ბექა მიქაუტაძემ  გოთუას 12-ში მცხოვრებ მოსახლეობასთან შეხვედრაზე განაცხადა.

შეხვედრა ადგილობრივების თხოვნით შედგა და მათ გამგებელს მიმართეს თხოვნით უზრუნველყოს ისეთი ღონისძიებების გატარება, რითაც დაცული იქნება მათი უსაფრთხოება და მშენებლობას არ მოყვება არასასურველი შედეგები.

„როგორც ჩემთვის ცნობილია, უკვე მიმდინარეობს მუშაობა იმისათვის, რომ ჩატარდეს გეოლოგიური კვლევა. ამასთან, ჩვენ აუცილებლად გადავამოწმებთ მშენებლების მიერ წარმოდგენილი კვლევის დასკვნას და მშენებლობის გაგრძელება შესაძლებელი გახდება მხოლოდ მას შემდეგ, რაც სპეციალისტები გადაწყვეტენ, რომ მშენებლობა დასაშვებია და ის საფრთხეს არ შეუქმნის ადგილობრივ მოსახლეობას,“ - განაცხადა საბურთალოს რაიონის გამგებელმა.

გოთუას N12-ში მიმდინარე მშენებლობისას კლდე გუშინ ჩამოიშალა.

 შემთხვევას მსხვერპლი არ მოჰყოლია, თუმცა კლდე შლას განაგრძობს და აუცილებელია უსაფრთხოების ნორმების უზრუნველყოფა.

შეხვედრას თბილისის მერიის ზედამხედველობის სამსახურის წარმომადგენელიც ესწრებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს