პარტია „თამაზ მეჭიაური ერთიანი საქართველოსთვის“ წევრის სანდრო ბრეგაძის განცხადებით, პრეზიდენტი არალეგიტიმურია, რადგან მან ნახევარი მილიონი ადამიანის თხოვნა არ გაითვალისწინა და რეფერენდუმის ჩატარების ინიციატორებს არ შეხვდა.

როგორც ბრეგაძემ „ექსპრესნიუსს“ განუცხადა,

„გიორგი მარგველაშვილი პრეზიდენტი არასდროს ყოფილა, ბიძინა ივანიშვილმა, როგორც უსულო საგანი, ისე დადო სკამზე. ეს არის მისი პოლიტიკური კარიერა. მისი ოჯახის წევრებისა და ალბათ, კარის მეზობლების გარდა, ერთი ადამიანიც არაა ვინც მას მისცა ხმა. ეს არის ამ პიროვნების ანატომია. დღევანდელ ფაქტს რაც შეეხება, ეს მშიშარა ადამიანია, რომელსაც შეეშინდა სიმართლის. მას ჩემთან შეხვედრის შეეშინდა, რადგან იქ უნდა ყოფილიყო ხვეწნა-მუდარა , რომ ჩვენ გავჩერებულიყავით. მას კი საკუთარი აზრი აქვს და ის გიგა ბოოკერიასა და შავ-ბნელი ძალების კარნახით მოქმედებს. პრეზიდენტმა 8 ოქტომბერს რეფერენდუმის ჩატარებაზე უარი თქვა და ამითი მან მხარი ერთსქესიანთა ქორწინებას დაუჭირა მხარი. მარგველაშვილმა ნახევარ მილიონ ადამიანს სულში ჩააფურთხა, რომლებიც რეფერნდუმს ითხოვდნენ. მარგველაშვილმა საბოლოოდ დაკარგა ჩემს თვალში ლეგიტიმურობა. ჩვენ ვაპირებთ, რომ ასეთი ადამიანები აღარ იყვნენ მსგავს თანამდებობაზე. ჩვენ დღეს შევიკრიბებით იმისთვის, რომ ასეთი პლასტელინები აღარ იყვნენ პრეზიდენტები“, - განაცხადა ბრეგაძემ.

შეგახსენებთ, საქართველოს პრეზიდენტ  გიორგი მარგველაშვილსა და რეფერენდუმთან დაკავშირებით საინიციატივო ჯგუფის წარმომადგენლებს შორის დღეს  დაგეგმილი  შეხვედრა ჩაიშალა.

პრეზიდენტის საპარლამენტო მდივანის ანა  დოლიძის განცხადებით, რეფერენდუმის საინიციატივო ჯგუფის წარმომადგენელმა  კონფრონტაციის  ენა  აირჩია და  ამ კონსულტაციაზე უარი განაცხადა:

„ საზოგადოებისთვის ცნობილია, რომ საქართველოს პრეზიდენტი მზად იყო, შეხვედროდა რეფერენდუმის საინიციატივო ჯგუფს, თუმცა დღეს რეფერენდუმის საინიციატივო ჯგუფის წარმომადგენელმა აირჩია კონფრონტაციის და შანტაჟის ენა და უარი განაცხადა ამ კონსულტაციაზე, რაც ნათლად ავლენს ამ ჯგუფის ვიწრო პოლიტიკურ მიზნებს. აქედან გამომდინარე ეს დათქმული შეხვედრა აღარ შედგება“, - აღნიშნა ანა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე