საპარლამენტო უმრავლესობის ლიდერის გია ვოლსკის განცხადებით, პრემიერ-მინისტრის გიორგი კვირიკაშვილისა და აჭარის მთავრობის მეთაურის ზურაბ პატარაძის მიერ ახალდაქორწინებულთათვის ბეჭდების ჩუქება მათ პოლიტიკურ გადაწყვეტილებას ვერ შეცვლის.

როგორც „ექსპრესნიუსს“ ვოლსკიმ განუცხადა, ის ამ ფაქტს სამართლებრივად ვერ შეაფასებს, რადგან ეს იურისტების გადასაწყვეტია, მაგრამ საზოგადოება პოლიტიკურად  დახვეწილია და საჩუქრების გამო საკუთარ შეხედულებებს არ შეიცვლის.

„არა მგონია, რომ ახალადაქორწინებულებს გადაწყვეტილი აქვთ „ნაციონალურ მოძრაობას“ ან სხვა ვინმეს უჭერდეს მხარს და იმის გამო, რომ პრემიერ-მინისტრისა და აჭარის მთავრობის თავმჯდომარისგან მიიღეს საქორწინო საჩუქარი და ამის გამო თავისი პოლიტიკური მოსაზრება შეიცვალონ და „ქართული ოცნების“ მხარდამჭერები გახდნენ. ჩვენი საზოგადოება პოლიტიკურად გაცილებით უფრო დახვეწილია, ვიდრე ზოგზოგიერთებს წარმოუდგენია. ახალდაქორწინებულებსაც საკუთარი პოლიტიკური შეხედულებები აქვთ და საქორწინო საჩუქრის გამო, არ მგონია, ეს შეხედულება შეიცვალონ. თუმცა, ამ ფაქტის სამართლებრივ ნაწილს ვერ შევაფასებ“, - აცხადებს ვოლსკი.

შეგახსენებთ, რომ აუდიტის სამსახურმა პრემიერ-მინისტრის მიერ ახალდაქორწინებულებისთვის საჩუქრის გადაცემის ფაქტის შესწავლა დაიწყო. შეგასენებთ, რომ გავრცელებული ინფორმაციით,  6 აგვისტოს ბეშუმში გამართულ შუამთობის დღესასწაულზე პრემიერმა და აჭარის მთავრობის თავმჯდომარემ ახალდაქორწინებულებს საჩუქრად ოქროს ბეჭდები გადასცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე