ჩუღურეთის რაიონში არსებულ 36 ეზოში გზის საფარი დაიგო

2016-08-04 16:06:05, 822 ნახვა

საზოგადოება

ჩუღურეთის რაიონში შიდა კვარტალური გზებისა და ეზოების მოასფალტება მიმდინარეობს.
თბილისის მერიის ინფორმაციით, მეუნარგიას #58-სა და წინამძღვრიშვილის #50-ში მდებარე ეზოებში.

მათივე ცნობით, მიმდინარე სამუშაოები გამგებელმა ზურაბ ჩიკვილაძემ დაათვალიერა და მოსახლეობას შეხვდა.

შეხვედრაზე განხილული იყო მიმდინარე და სამომავლოდ დაგეგმილი პროექტები.

„სამუშაოები გეგმის მიხედვით მიმდინარეობს. ეზოებში ჯერ მიწისქვეშა კომუნიკაციები წესრიგდება, შემდეგ კი ასფალტის საფარი იგება. მიმდინარე წელს ასფალტის საფარი 36 ეზოში დავაგეთ, წლის ბოლომდე სამუშაოებს დამატებით 44 მისამართზე განვახორციელებთ. ამ ეტაპზე უკვე დასრულდა სხვადასხვა სახის სამუშაოები ამ კონკრეტულ მისამართებზე. კერძოდ, წინამძღვრიშვილის #50-ში მდებარე სახლს გამაგრებითი სამუშაოები ჩაუტარდა, ხოლო, მეუნარგიას #58-ის მიმდებარე ტერიტორიაზე არსებულ სპორტულ მოედანს - რეაბილიტაცია. უახლოეს პერიოდში კი სახლის სახურავის შეცვლაც იგეგმება“, - განაცხადა ჩუღურეთის რაიონის გამგებელმა ზურაბ ჩიკვილაძემ.
(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან