საპარლამენტო უმრავლესობის ლიდერი გია ვოლსკი საკონსტიტუციო სასამართლოს მოსამართლის, ქეთევან ერემაძის განცხადებას ეხმაურება და აცხადებს, რომ საარჩევნო კოდექსში ცვლილებების შეტანით, რომლის სურვილიც მხოლოდ ორ მოსამართლეს ჰქონდა, სახელმწიფოში პოლიტიკური კრიზისი შეიქმნებოდა.

 „ჩვენ მარტო პოლიტიკოსები კი არ ვართ, ჩვენ პარლამენტის წევრები ვართ, რომელიც ხალხმა აირჩია. მოგვწონს თუ არ მოგვწონს ხან გვაკრიტიკებენ და ხან გვაქებენ. ხალხის მიერ არჩეული პარლამენტია, რომელიც აზრთა დაპირისპირების ფონზე, კანონს მინიმუმ 76 ხმით ღებულობს. არ შეიძლება, რომ ორ ადამიანს სურვილი გაუჩნდეს, ოდესიდან ჩამოწოდებული წინადადებით ან სხვა მოსაზრებით რაიმე კანონი გააუქმოს. მიუხედავად იმისა, რომ ამ კანონს ვენეციის კომისია დადებითად აფასებს. ამ ცვლილებით, რასაც საკონსტიტუციო სასამართლო აპირებდა, სახელმწიფოში ქაოსი და პოლიტიკური კრიზისი იქმნებოდა. რას ნიშნავს ამის თაობაზე არაფერი არ უნდა ვთქვათ?! ჩვენ ამომრჩევლის წინაშე პასუხისმგებლები ვართ. როდესაც პარლამენტი, იურისტების ძლაიან დიდი ჯგუფი, კონსტიტუციონალისტები და პრეზიდენტი საარჩევნო კოდექსზე ჩამოყალიბდება და მისი გაუქმება ორ მოსამართლეს უნდა, რას ქვია შეფასება არ გავაკეთო?! ვინ აგებს პასუხს საზოგადოების წინაშე - ერემაძე აგებს პასუხს აქაურობა რომ აირიოს?“, - განუცხადა ვოლსკიმ „ექსპრესნიუსს“.

შეგახსენებთ, რომ ქეთევან ერემაძის განცხადებით, „პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს“. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე