ლოგიკურია, რომ გიორგი პაპუაშვილს პრემიერ-მინისტრთან შეხვედრა სურს, რადგან ელაპარაკებიან მას, ვისაც უჭირავს იარაღი და არა იარაღს, - ამის შესახებ „ერთიანი ნაციონალური მოძრაობის“ წევრმა სერგო რატიანმა განაცხადა.

მისი თქმით, პაპუაშვილის და პრემიერის შეხვედრა აუცილებელია:

„პროკურატურა დღეს პოლიტიკურ იარაღადაა გადაქცეული ქართული ოცნების ხელში და ბუნებრივია, როცა პაპუაშვილი ამბობს, რომ ის დაელაპარაკება პრემიერს და არა პროკურატურას, ეს ლოგიკურია. ლოგიკურია, რადგან ელაპარაკებიან მას, ვისაც უჭირავს იარაღი და არა იარაღს. ეს ცალსახაა. დღეს უნდა გაირკვეს, რამდენად არსებობს და აქვს ნება პრემიერს, რომ შეცვალოს ვითარება. როგორც ვხედავთ, ამის არანაირი ნება არ არსებობს. მიუხედავად ყველაფრისა, აუცილებელია პაპუაშვილის და პრემიერის შეხვდრა, რათა საბოლოოდ დადასტურდეს, თუ რა მიმართულებას ირჩევს პრემიერი - დარჩება მარიონეტად, თუ საბოლოო ჯამში, შეძლებს და განახორციელებს იმ უფლება მოვალეობებს, რაც უნდა შეასრულოს პრემიერმა“, - განაცხადა სერგო რატიანმა.

ცნობისთვის, საქართველოს საკონსტიტუციო სასამართლოს თავმჯდომარე გიორგი პაპუაშვილი პროკურატურაში მისვლას იქამდე არ აპირებს, სანამ საქართველოს პრემიერ-მინისტრს არ შეხვდება. საქმე ეხება პაპუაშვილის რამდენიმე დღის წინ გაკეთებულ განცხადებას, სადაც საკონსტიტუციო სასამართლოს თავმჯდომარემ აღნიშნა, რომ მოსამართლეებზე მიზანმიმართული ზეწოლა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება