2016-07-26 11:30:52, 713 ნახვა

---

მარგველაშვილი: „ბრექსიტის“ შედეგები ევროპის პოლიტიკაზე გავლენას მოახდენს და შესაძლოა, საქართველოს საინტერესო პერსპექტივები გაეხსნას

"ევროინტეგრაციის პროცესი არ ნიშნავს ურთიერთობებს მხოლოდ ბრიუსელთან და ევროსტრუქტურებთან. მნიშვნელოვანია მუდმივი თანამშრომლობის გაღრმავება ევროპის ყველა დედაქალაქთან“, - ამის შესახებ საქართველოს პრეზიდენტმა გიორგი მარგველაშვილმა „ამბასადორიალი 2016“-ზე სიტყვით გამოსვლისას განაცხადა.

„თანამშრომლობის და ჩართულობის ფორმატი უნდა გავააქტიუროთ, ასევე ჩრდილოეთ ევროპის ქვეყნებთან და ვიშეგრადის ოთხეულთან. ამასთან ერთად, მნიშვნელოვანია აქტიურად დავაკვირდეთ იმ პროცესებს, რაც ევროკავშირში წარიმართება, ბრიტანეთის იმ რეფერენდუმის  შედეგებს, რომელიც ბუნებრივია, გავლენას მოახდენს ევროპის პოლიტიკაზე თავის უახლოეს პარტნიორებთან და ამ თვალსაზრისით, შესაძლებელია, საქართველოს ძალიან საინტერესო პერსპექტივები გაეხსნას", -განაცხადა გიორგი მარგველაშვილმა.

ცნობისთვის, თბილისში საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური ამბასადორიალი დღეს გაიხსნა. ღონისძიება 29 ივლისს დასრულდება.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი