გერმანიაში, მიუნხენის სავაჭრო ცენტრ „ოლიმპიაზე" თავდასხმასთან კავშირში ეჭვმიტანილი დააკავეს, - ამის შესახებ BBC იუწყება.

მედია საშუალებსი ინფორმაციით, ეჭვმიტანილი 16 წლის ავღანელია.

სამართალდამცველების ვარაუდით, დაკავებულმა 18 წლის ალი დევიდ სანბოლის გეგმების შესახებ იცოდა, თუმცა პოლიციას არ შეატყობინა.

“არსებობს ეჭვი, რომ 16 წლის ახალგაზრდა შესაძლოა, თავდამსხმელის მდუმარე თანამზრახველი ყოფილიყო”, - ნათქვამია მიუნხენის პოლიციის განცხადებაში.

შეგახსენებთ, რომ თავდასხმა სავაჭრო ცენტრზე 22 ივლისს მოხდა. შეიარაღებულმა პირმა ცეცხლი გახსნა და 9 ადამიანი მოკლა. თავდამსხმელის, 18 წლის ირანელის, ალი დევიდ სონბოლის ცხედარი სპეცოპერაციის დროს შემთხვევის ადგილიდან 1 კილომეტრში იპოვეს. მან, პოლიციის ვარაუდით თავი მოიკლა.

პოლიცია აცხადებს, რომ ახალგაზრდა მასობრივი მკველობების შესახებ ინფორმაციის მოძიებით იყო გატაცებული. მისი ოტახის ჩხრეკისას გაზეთებიდან ამოჭრილი თავდასხმების შესახებ, უამრავი სტატია იპოვეს.

წინასწარი ინფორმაციით, თავდამსხმელი "ისლამურ სახელმწიფოსთან" კავშირსი არ იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს