მიუნხენის ტერაქტის შედეგად დაღუპულთა და დაშავებულთა შორის საქართველოს მოქალაქეები არ არიან.

როგორც "ექსპრესნიუსს" საგარეო საქმეთა სამინისტროში განუცხადეს, საქართველოს საელჩო გერმანიის ფედერაციულ რესპუბლიკაში ქალაქ მიუნხენში, თავდასხმის რაიონში მყოფ საქართველოს მოქალაქეებთან მუდმივ კონტაქტზეა.

გერმანელი სამართალდამცველების მითითებით, ისინი იძულებული არიან დარჩნენ ადგილებზე და გადაადგილებისგან თავი შეიკავონ.

მიუნხენში მყოფი საქართველოს მოქალაქეებისთვის 24 საათიანი ცხელი ხაზი ამოქმედდა - +491 62 88 55 303, გარდა ამისა მოქალაქეებს შეუძლიათ მიუნხენის პოლიციის ცხელ ხაზზე: +495 92 91 01 910 და საქართველოს საგარეო საქმეთა სამინისტროს ცენტრალური აპარატის ცხელი ხაზის ნომერზეც +995 577 98 40 20 დარეკონ.

შეგახსენებთ, რომ გუშინ მიუნჰენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, სავარაუდო თავდამსხმელი 18 წლის ირანელი მამაკაცია, რომელიც მიუნხენში რამდენიმე წლის განმავლობაში ცხოვრობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება