სოფლის მეურნეობის სამინისტროში საქართველოში სოფლის განვითარების უწყებათაშორისი საკოორდინაციო საბჭოს პირველი სხდომა გაიმართა. 
როგორც "ექსპრესნიუსს" სოფლის მეურნეობის სამინისტროდან აცნობეს, აღნიშნული საბჭო საქართველოს მთავრობის გადაწყვეტილებით, საქართველოს სოფლის განვითარების სტრატეგიის შემუშავების მიზნით შეიქმნა.
უწყების ინფორმაციით,  ჯგუფი შეიმუშავებს სოფლის განვითარების სტრატეგიასა და შესაბამის სამოქმედო გეგმას, რაც სოფლის მეურნეობისა და სოფლის განვითარებისათვის ევროპის სამეზობლო პროგრამის (ENPARD) II ფაზის საბიუჯეტო დახმარების კომპონენტში ქართული მხარის ერთ-ერთ ვალდებულებას წარმოადგენს.

სხდომას სოფლის მეურნეობის მინისტრის პირველი მოადგილე ნოდარ კერესელიძე ხელმძღვანელობდა. საკოორდინაციო საბჭოს წევრებმა სოფლად განვითარების სტრატეგიის ძირითადი საკითხები და სტრატეგიის განხორციელების მექანიზმები განიხილეს.  

შეხვედრზე ხაზგასმით აღინიშნა სოფლის განვითარების სამი ძირითადი მიმართულების მნიშვნელობა: ეკონომიკური განვითარება და კონკურენტუნარიანობა; სოციალური მდგომარეობა და ცხოვრების დონე; გარემოსა და ბუნებრივი რესურსების მდგრადი მართვა.

სხდომის მონაწილეებმა სოფლის განვითარების სტრატეგიის შემუშავების პროცესში სამიზნე რეგიონის მოსახლეობის ჩართულობის მნიშვნელობაზე ისაუბრეს. აღინიშნა, რომ პოზიტიური შედეგების მისაღწევად აუცილებელია რეგიონში არსებული პოტენციალის განსაზღვრა.

უწყებათაშორისი საკოორდინაციო საბჭოს პირველ შეხვედრას საქართველოში ევროკავშირის წარმომადგენლობის, გაეროს განვითარების პროგრამის (UNDP), სურსათისა და სოფლის მეურნეობის ორგანიზაციის (FAO) და საკოორდინაციო საბჭოს წევრი სამინისტროების  წარმომადგენლები ესწრებოდნენ.

„ევროპის სამეზობლო პროგრამა სოფლის მეურნეობისა და სოფლის განვითარებისათვის საქართველოში“ II ეტაპის (ENPARD Georgia II)  ბიუჯეტი 50 მილიონ ევროს შეადგენს და საბიუჯეტო, საგრანტო და ტექნიკურ დახმარებას ითვალისწინებს.

პროგრამა 2016-2019 წლებში განხორციელდება და მიზნად ისახავს სოფლის მეურნეობისა და სოფლის განვითარების პოლიტიკის და რეფორმების ხელშეწყობას, ასევე მასთან დაკავშირებული სერვისების მიწოდების გაუმჯობესებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება