საქართველოს სასჯელაღსრულებისა და პრობაციის მინისტრის კახა კახიშვილისა და საქართველოს შრომის, ჯანმრთელობისა და სოციალური დაცვის მინისტრის დავით სერგეენკოს ერთობლივი ბრძანებით, პატიმრობისა და თავისუფლების აღკვეთის დაწესებულებებში ოპიოიდებზე დამოკიდებული პირებისთვის ჩანაცვლებითი მკურნალობის პროგრამების განხორციელების წესი დამტკიცდა. 

აღნიშნული პროგრამის ფარგლებში, ნარკოტიკულ ნივთიერებებზე დამოკიდებულ პატიმრებს საშუალება ეძლევათ შესაბამისი მკურნალობით ისარგებლონ. პროგრამაში ჩართვის წინაპირობას ოპიოიდებზე დამოკიდებულების სინდრომის (აქტიური დამოკიდებულება) დიაგნოზი წარმოადგენს, რის სამკურნალოდაც მეთადონის ჰიდროქლორიდი გამოიყენება.

ჩანაცვლებითი მკურნალობის განსახორციელებლად, პენიტენციურ დაწესებულებებში დაკომპლექტებულია საექიმო-საკონსულტაციო ჯგუფი,  რომელიც მინიმუმ სამი ექიმისგან შედგება. ჯგუფი ბრალდებულის/მსჯავრდებულის მკურნალობის პროცესზეა  პასუხისმგებელი. პაციენტი პროგრამაში სწორედ აღნიშნული ჯგუფის გადაწყვეტილებით ერთვება. ამასთან,   მკურნალობის რეჟიმს მთლიანად განსაზღვრავს და წარმართავს ექიმი-ნარკოლოგი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება