ავტომობილის აფეთქების შედეგად, კიევში ცნობილი ჟურნალისტი პაველ შერემეტი გარდაიცვალა.

ამის შესახებ "უკრაინსკაია პრავდა" იუწყება.

გამოცემის ინფორმაციით, ავტომობილი გამთენიისას, მას შემდეგ აფეთქდა, რაც ჟურნალისტი სახლიდან გამოვიდა და მანქანით, რამდენიმე მეტრი გაიარა.

ავტომობილი "უკრაინსკაია პრავდას" მმართველს, ალიონა პრიტულას ეკეთვნოდა. ის ავტომობილში არ იჯდა. შემთხვევის ადგილას, ამ დრომდე მუშაობენ სამართალდამცავები.

მომხდარზე კომენტარი უკვე გააკეთა შინაგან საქმეთა მინისტრის მრჩეველმა ანტონ გერაშჩენკომ. მისი თქმით, ავტომობილი სავარაუდოდ, დისტანციური მართვის პულტით ააფეთქეს.

ამასთან, უკრაინის პრეზიდენტმა პეტრო პოროშენკომ სამართალდამცავ ორგანოებს მიმართა, მომხდარი მკვლელობა უმოკლეს დროში იქნას გამოძიებული და დამნაშავეები უმკაცრესად დაისაჯონ.

შერემეტი 1971 წლის 28 ნოემბერს მინსკში დაიბადა. მუშაობდა ORT-ზე, მიჰყავდა ყოველკვირეული ანალიტიკური გადაცემა "ვრემია".

ბოლო ხუთი წლის განმავლობაში, შერემეტი კიევში ცხოვრობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს