ევროკომისარ გიუნტერ ეტინგერის განცხადებით, ევროკავშირი თურქეთის მოქალაქეებს მიმდინარე წელს სავიზო რეჟიმს არ გაუუქმებს, - ამის შესახებ ინფორმაციას სააგენტო Reuters-ი ავრცელებს.

ეტინგერის თქმით, ევროპარლამენტი თურქეთის ვიზალიბერალიზაციის ინიციატივას განიხილავს.

"თურქეთის ვიზალიბერალიზაციის საკანონმდებლო ინიციატივას ამჟამად ევროპარლამენტი განიხილას. თუმცა მე ვვარაუდობ, რომ  ჩვენ სავიზო რეჟიმის გაუქმების შესახებ რეგულაციას მიმდინარე წლის ბოლომდე არ მივიღებთ”, - განაცხადა ციფრული ეკონომიკის საკითხებში ევროკომისარმა ეტინგერმა.

თურქეთისთვის სავიზო რეჟიმი გაუქმებას ანკარასა და ბრიუსელს შორის მარტში გაფორმებული მიგრაციული შეთანხმება ითვალისწინებს.

ევროკომისარმა ანკარაში ადამიანების უფლებებისა და კანონის უზენაესობის მხრივ შექმნილი ვითარება გააკრიტიკა.

"შეუძლებელია, რომ თანამდბეობიდან გათავისუფლდეს  ათასობით მოსამართლე, რომელიც მთავრობას არ მოსწონს. სასამართლო სისტემის დამოუკიდებლობა მნიშვნელოვანი შენაძენია",  - აღნიშნა ეტინგერმა.

ამასთან, ეტინგერი მიიჩნევს, რომ სიკვდილით დასჯა ევროპულ ღირებულებებთან შუთავსებელია.

"სიკვდილით დასჯა შეუთავსებელია ჩვენს ღირებულებებთან და ჩვენს ხელშეკრულებებთან. ვერც ერთი ქვეყანა ვერ გახდება ევროკავშირის წევრი, თუკი ის სიკვდილით დასჯას იყენებს",  - აღნიშნა ევროკომისარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს