ლეო ანთაძის შემოქმედებითი საღამო - „60 წელი სცენაზე“ გაიმართა

2016-07-19 12:34:09, 673 ნახვა

საზოგადოება

საბურთალოს რაიონის გამგეობის ორგანიზებითა და მხარდაჭერით, ცნობილი ქართველი მსახიობის, საქართველოს სახალხო და დამსახურებული არტისტის, ლეო ანთაძის შემოქმედებითი საღამო გაიმართა.

ცნობილი ქართველი მსახიობი, რომელმაც მაყურებელს თავი უამრავი საინტერესო როლის შესრულებით დაამახსოვრა, უკვე 60 წელია ქართულ სცენაზე თუ სატელევიზიო ეკრანზე ჩანს და ამ პერიოდის განმავლობაში, მან არაერთი გამორჩეული პერსონაჟი განასახიერა.

ღონისძიებაზე 84 წლის მსახიობმა მის მიერ განსახიერებული პერსონაჟები გააცოცხლა და მონოსპექტაკლი წარმოადგინა.

ღონისძიებას საბურთალოს რაიონის გამგებელი ბექა მიქაუტაძე, საბურთალოს საზოგადოებრივი საბჭოების, პენსიონერთა და ვეტერანთა კავშირის წევრები ესწრებოდნენ.

ლეო ანთაძის შემოქმედების 60 წლისთავისადმი მიძღვნილ ღონისძიებას სამედიცინო უნივერსიტეტმა უმასპინძლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან