ევროსაბჭოს გენერალური მდივნის ტორბიორნ იაგლანდის განცხადებით, ევროსაბჭოს წევრ სახელმწიფოს სიკვდილით დასჯის გამოყენების უფლება არ აქვს. ამის შესახებ გერმანული გამოცემა Tagesspiegel იუწყება.

როგორც იაგლანდმა აღნიშნა, აღნიშნული საკითხი არის ევროსაბჭოს წესდებით გათვალისწინებული ვალდებულება.

“ევროსაბჭოს არც ერთ წევრ სახელმწიფოს არ აქვს უფლება, გამოიყენოს სიკვდილით დასჯა. ეს არის ევროსაბჭოს წესდებით გათვალისწინებული ვალდებულება”, -  განაცხადა იაგლანდმა.

მისივე თქმით, თურქეთს რატიფიცირელი აქვს ევროსაბჭოს ორი პროტოკოლი, რომელთა თანახმადაც, სიკვდილით დასჯის აღდგენა ნებისმიერი გარემოების დროს დაუშვებელია.

შეგახსენებთ, რომ თურქეთში სამხედრო გადატრიალების მცდელობა მოხდა, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა.

ცნობისთვის, თურქეთის პრეზიდენტმა რეჯეპ ტაიპ ერდოღანმა განაცხადა, რომ ხელისუფლება სიკვდილით დასჯის აღდგენას განიხილავს.

ბოლო სასიკვდილო განაჩენი თურქეთში 1984 წელს აღასრულეს. თურქეთმა სიკვდილით დასჯა 2004 წელს, ევროკავშირის წევრობის მისაღებად  ჩატარებული რეფორმების ფარგლებში გააუქმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს