ექსპერტის სამხედრო საკითხებში ვახტანგ მაისაიას განცხადებით, თურქეთში განვითარებული მოვლენების შემდეგ, საქართველო ძალიან ცუდი გეოსტრატეგიული ამოცანის წინაშე დადგა.

როგორც მაისაიამ „ექსპრენიუსს“ განუცხადა, ამ ეტაპზე საქართველო გეოპოლიტიკური მოვლენების მძევალია.

მისივე თქმით, საქართველოს ხელისუფლება თავის დროზე საგარეო პოლიტიკას ყურადღებას არ აქცევდა, რის გამოც ქვეყანა დასუსტდა.

„თურქეთში მიმდინარე მოვლენების ფონზე, საქართველო ძალიან ცუდი გეოსტრატეგიული ამოცანის წინაშე დგას. შეიძლება, ამან მომავალ საპარლამენტო არჩევნებზე დიდი გავლენა მოახდინოს. „ისლამურ სახელმწიფოსთან“ ბრძოლა აქტიურ ფაზაში შედის. ამასთან, ძალიან მნიშვნელოვანია თუ როგორი პოზიცია ექნება ამ ბრძოლაში თურქეთს. პლიუს, რუსეთის ფედერაციის თავდაცვის მინისტრმა ერთგვარი მესიჯი გააჟღერა, რომ სამხრეთ კავკასიში, შესაძლოა, სირიის მსგავსი მოვლენები განვითარდეს. საქართველოს ხელისუფლება ერთგვარ ცაიტნოტშია. ჩვენ არავინ არაფერს არ გვეკითხება. თავის დროზე საგარეო პოლიტიკას არ ვაქცევდით ყურადღებას, იყო არაპროფეიონალიზმის კასკადი და ამ ყველაფერმა დაგვასუსტა. ეს ხელისუფლება ვერაფერს გააკეთებს. ამ პროცესებმა ჩვენთვის საზღვრები მოხსნა. ფართომასშტაბიანი ომი უკვე დაიწყო „ისლამურ სახელმწიფოს“ წინააღმდეგ, ამიტომ ISIS-ისგან ნებისმიერ წამს შეიძლება მივიღოთ დარტყმა“, - აცხადებს მაისაია.

შეგახსენებთ, გუშინ, გვიან ღამით,  თურქეთში სამხედრო გადატრიალების მცდელობა იყო. ამ დროისთვის, არსებული ინფორმაციით, ამბოხის შედეგად დაიღუპა 60 და დაშავდა 100-მდე ადამიანი. ამ დრომდე, თურქეთის ზოგიერთ ქალაქში სროლის ხმა კვლავ ისმის. გამოცემა Hurriyet-ის ინფორმაციით, სამხედრო გადატრიალების მცდელობაში ბრალდებული 1563 მეამბოხეა დაკავებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ტვერისა და სტავროპოლში ნავთობის საწყობები დაბომბეს

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა