ვფიქრობ, რომ ჩვენ მხარეს სიტუაცია კონტროლს ექვემდებარება და არანაირი რისკები არ არსებობს, - ამის შესახებ საქართველოს პრემიერ-მინისტრმა გიორგი კვირიკაშვილმა თურქეთში მიმდინარე მოვლენებთან დაკავშირებით განაცხადა.

პრემიერის თქმით, საქართველოს მთავრობა მოვლენების განვითარებას აკვირდება და ყველა საზღვარზე კონტროლი გაძლიერებულია. 

"ჩვენ ძალიან დიდი შეშფოთებით ვაკვირდებით მოვლენების განვითარებას. ყველა საზღვარზე არის გაძლიერებული კონტროლი. სავარაუდოდ უახლოეს პერიოდში თურქეთთან ჩვენ საზღვარს ჩავკეტავთ. ჯერ–ჯერობით ჩრდილო–აღმოსავლეთ თურქეთში, რომელიც ჩვენ გვესაზღვრება, არანაირი არეულობა არ შეინიშნება. ვფიქრობ, რომ ჩვენ მხარეს სიტუაცია კონტროლს ექვემდებარება და არანაირი რისკები არ არსებობს. ავიაკომპანიებმა შეაჩერეს ფრენები. გვქონდა ზარები ჩვენს თანამოქალაქეებისგან, რომ აიყვანეს თვითმფრინავში და ვერ გამოფრინდნენ. მაქსიმალურ კონტროლს ვახორციელებთ და გვაქვს ცხელი ხაზები, როგორც სტამბოლში ასევე თბილისში. მე მგონია, რომ ჩვენ მხარეს არანაირი შეშფოთების საბაბი არ გვაქვს, თუმცა ის რაც თურქეთში ვითარდება შეშფოთების საფუძველს ბადებს. იმედია, მალე დაწყნარდება სიტუაცია და დაუბრუნდება ჩვეულებრივ კალაპოტს", - განაცხადა კვირიკაშვილმა.

როგორც პრემიერმა აღნიშნა, საქართვეოლოს პრეზიდენტთან სატელეფონო საუბარი ჰქონდა. ცნობისთვის, გიორგი მარგველაშვილმა 3 საათზე უშიშროების საბჭოს სხდომა დანიშნა. 

კვირიკაშვილის ინფორმაციით, შეხვედრას შს მინისტრი, უშიშროების სამსახურის უფროსი და ასევე საგარეო საქმეთა სამინისტროსა და თავდაცვის სამინისტროს წარმომადგენლები დაესწრებიან.

შეგახსენებთ, რომ თურქეთში სამხედრო გადატრიალების მცდელობა მოხდა. დაკეტილია ყველა აეროპორტი. მედიის ინფორმაციით, ქვეყნის ორ დიდ ქალაქში პანიკაა, გადაკეტილია ასევე ქვეყნის ორი მთავარი ხიდი. ქუჩებში სამხედრო ტექნიკასთან ერთად ასობით ჯარისკაცი იმყოფება და საგანგებო მდგომარეობაა გამოცხადებული. გარდა ამისა, დედაქალაქის თავზე გამანადგურებლები და ვერტმფრენები ტრიალებენ. 

დაუდასტურებელი ინფორმაციით, ქვეყანაში გაითიშა ინტერნეტი და რეზიდენტის რეზიდენციაა ბლოკირებული.  ინფორმაცია გარდაცვლილთა ან დაშავებულთა შესახებ ჯერ არ ვრცელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ტვერისა და სტავროპოლში ნავთობის საწყობები დაბომბეს

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა