2016-07-15 18:18:37, 771 ნახვა
პოლიტიკა
მიხეილ ჯანელიძე ფინეთის ელჩს შეხვდა
საქართველოს საგარეო საქმეთა მინისტრმა მიხეილ ჯანელიძემ ფინეთის რესპუბლიკის საგანგებო და სრულუფლებიან ელჩთან კრისტერ მიკელსონთან (რეზიდენციით ჰელსინკი) გამოსამშვიდობებელი შეხვედრა გამართა.
შეხვედრისას საქართველოსა და ფინეთის სამეფოს შორის ჩამოყალიბებულ მეგობრულ ურთიერთობებს გაესვა ხაზი.
მიხეილ ჯანელიძემ მადლობა გადაუხადა კრისტერ მიკელსონს ელჩად მუშაობის პერიოდში საქართველო-ფინეთის ორმხრივი ურთიერთობების გაღრმავებაში შეტანილი წვლილისთვის და შემდგომ საქმიანობაში წარმატებები უსურვა.
შეხვედრა ბათუმის საერთაშორისო კონფერენციის "საქართველოს ევროპული გზა" ფარგლებში გაიმართა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
