EMC-TDI: ბორჯომის მუნიციპალიტეტმა ბორჯომ-ბაკურიანის ეპარქიას 353,000 ლარი გამოუყო, თუმცა, დაფინანსების მიზნობრიობა გაურკვეველია

2016-07-14 18:16:19, 689 ნახვა

საზოგადოება

"ადამიანის უფლებების სწავლებისა და მონიტორინგის ცენტრისა" და "ტოლერანტობისა და მრავალფეროვნების ინსტიტუტის" [EMC-ის და TDI] კვლევის თანახმად, 2014 წელს ბორჯომის მუნიციპალიტეტმა ბორჯომისა და ბაკურიანის ეპარქიას 353,000 ლარი გამოუყო, თუმცა, დაფინანსების მიზნობრიობა გაურკვეველია.

კვლევის მიხედვით, მუნიციპალიტეტების მიერ "სუბსიდიის" და "ფინანსური დახმარების" სახით ეპარქიებისთვის გაცემული თანხის 44 % (1,309,481 ლარი) უცნობია, კონკრეტულად რა მიზნებისთვის იხარჯება.

ცნობისთვის, "ადამიანის უფლებების სწავლებისა და მონიტორინგის ცენტრისა" და "ტოლერანტობისა და მრავალფეროვნების ინსტიტუტის" კვლევა დღეს გამოქვეყნდა.

არასამთავრობო ორგანიზაციების კვლევა 2014-2015 წლებში სახელმწიფოს ბიუჯეტიდან რელიგიური გაერთიანებებისთვის გადაცემული ფინანსური რესურსებისა და სხვა მატერიალური ქონების მასშტაბსა და მიზნობრიობას აანალიზებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან