გერმანიის კანცლერის ანგელა მერკელის განცხადებით, ის ევროკავშირიდან დიდი ბრიტანეთის გასვლას არც აფერხებს და არც აჩქარებს, - ამის შესახებ მერკელმა უკრაინის პრემიერ-მინისტრ ვლადიმირ გროისმანთან შეხვედრის დასრუელბის შემდეგ განაცხადა.

გერმანიის კანცლერმა ევროკავშირიდან გასვლის შესახებ დიდ ბრიტანეთთან არაფორმალური მოლაპარაკებების დაწყების შესაძლებლობა გამორიცხა. მერკელის თქმით, პროცესის დასაწყებად საჭიროა, რომ  ლონდონმა ბრიუსელს ლისაბონის ხელშეკრულების 50-ე მუხლის ამოქმედების შესახებ ოფიციალურად აცნობოს.

“მე რეალობის შესაბამისად ვმოქმედებ, რაც ნიშნავს, რომ ბრიტანელების უმეტესობამ გადაწყვიტა ევროკავშირის დატოვება. ველი, რომ გარკვეულ დროს დიდი ბრიტანეთი ევროკავშირს 50-ე მუხლის შესახებ შეატყობინებს. მჯერა, ბრიტანეთის მთავრობის მხრიდან განაცხადის გაკეთება ქრონოლოგიური წესით უნდა მოხდეს. მე არც ვაფერხებ და არც ვაჩქარება პროცესს. 50-ე მუხლი კონკრეტულად განსაზღვრავს პროცესს”, - განაცხადა მერკელმა.

გარდა ამისა, გერმანიის კანცლერი მიიჩნევს, რომ “ბრექსითი” როგორც ევროკავშირის 27 ქვეყნის, ისე დიდი ბრიტანეთის ეკონომიკებს დააზარალებს. მერკელის განმარტებით, ყველაფერი უნდა გაკეთდეს იმისთვის, რომ ევროკავშირში დარჩენილმა 27-მა სახელმწიფომ ერთიანობა შეინარჩუნოს.

28 ივნისს ევროკავშირის ლიდერები დიდი ბრიტანეთის პრემიერ-მინისტრს დევიდ ქემერონს შეხვდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს