ევროკავშირის ლიდერები დიდი ბრიტანეთის რეფერენდუმის შედეგებს აფასებენ.

ავსტრიის საგარეო საქმეთა მინისტრის სებასტიან კურცის განცხადებით, არ არის გამორიცხული, „ბრექზითიმ“ სხვა ქვეყნებში „დომინოს ეფექტს“ გამოიწვიოს.

გერმანიის საგარეო საქმეთა მინისტრმა ფრანკ ვალტერ შტაინმაიერმა განაცხადა, რომ ბრიტანეთის ამბებმა ყველა გამოაფხიზლა და დღევანდელი დღე ბრიტანეთისთვის და ევროპისთვის ძალიან სამწუხარო იქნება.

პოლონეთის საგარეო საქმეთა მინისტრის ვიტოლდ ვაშიკოვსკის თქმით, „ბრექსითი“ იმის  ნიშანია, რომ ევროკავშირს ძირეული რეფორმები სჭირდება.

თავის მხრივ, გახარებას არ მალავენ ნაციონალისტური პარტიების ლიდერები. ფრანგული ეროვნული ფრონტის ლიდერი მარი ლეპენი წერს: „თავისუფლებას გამარჯვება, ახლა „ფრეგზითის“ დროა და მსგავსი რეფერენდუმები ევროკავშირის ყველა ქვეყანაში უნდა ჩატარდეს.

ნიდერლანდების თავისუფლების პარტიის ლიდერი გირტ ვილდერსი აცხადებს, რომ მსგავსი რეფერენდუმის დრო ნიდერლანდებშიც დადგა.

იტალიის ჩრდილოეთ ლიგის ლიდერი, მატეო სალვინი წერს - „ვაშა, თავისუფალი ბრიტანელების უშიშრობას. მადლობა ბრიტანეთო, ახლა ჩვენი დროა“.

ცნობისთვის, დიდ ბრიტანეთში ჩატარებულ რეფერენდუმზე ამომრჩევლებმა ევროკავშირიდან გასვლას მხარი დაუჭირეს. მოქალაქეთა 51,9%-მა ევროკავშირიდან გასვლას დაუჭირა მხარი, მოწინააღმდეგე კი, 48,1% იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს