“ერთიანი ნაციონალური მოძრაობა“ რუსი ოპოზიციონერის ბორის ნემცოვის მკვლელობას ეხმაურება.

როგორც პარტიის მიერ გავრცელებულ განცხადებაშია აღნიშნული, ბორის ნემცოვი რუსეთის თავისუფლებისთვის და პუტინის რეჟიმისგან განთავისუფლებისთვის გმირულად დაიღუპა.
„ერთიანი ნაციონალური მოძრაობა გამოხატავს ღრმა მწუხარებას ბორის ნემცოვის ტრაგიკული გარდაცვალების გამო. ეს არ არის პირველი შემთხვევა, როცა პუტინის რეჟიმთან დაპირისპირებულ მოღვაწეს კლავენ და როგორც სხვა შემთხვევებში, ახლაც ნაკლებად სავარაუდოა, რომ დამკვეთებსა და შემსრულებლებს დაადგენენ. ბორის ნემცოვი ერთ-ერთი გამორჩეული ლიდერი იყო, რომელიც რუსეთის ლიბერალიზაციისა და დემოკრატიზაციისთვის იბრძოდა - სურდა ცივილიზებული, კარგი ურთიერთობა მეზობლებთან, მათ შორის საქართველოსთან. ის იყო უკრაინის ერთიანობისა და სუვერენიტეტის აქტიური მხარდამჭერი. ვინც არ უნდა იკოს კონკრეტული მკვლელი - ცხადია - ბორის ნემცოვი რუსეთის თავისუფლებისთვის და პუტინის რეჟიმისგან განთავისუფლებისთვის გმირულად დაიღუპა. ვუსამძიმრებთ მის ოჯახს, ახლობლებს, თანამოაზრეებს და თავისუფლების მოყვარე ყველა მოქალაქეს რუსეთში“, - ნათქვამია განცხადებაში.

ცნობისთვის, ნემცოვი გუშინ, გვიან ღამით მოსკოვის ცენტრში მოკლეს. მას 6 ტყვია ესროლეს. ნემცოვი ადგილზე გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა