ევროკომისიის პრეზიდენტის ჟან-კლოდ იუნკერის განცხადებით, რუსეთსა და ევროკავშირის შორის დიალოგი აუცილებლად უნდა შედგეს, - ამის შესახებ Daily.lv იუწყება.

ამასთან, იუნკერის თქმით, ევროკავშირსა და რუსეთს შორის უნდობლობის დონე გაიზარდა და ნდობის აღდგენაა საჭირო.

“მე ყოველთვის მჯერა დიალოგის ძალის. საჭიროა მოლაპარაკებები, სანქციების მიუხედავად, საჭიროა, რომ დიალოგისთვის კარი ღია იყოს. ჩემი აქ ყოფნა მეტყველებს იმაზე, რომ მსურს ხიდების აღგენა", - განაცხადა ევროკომისიის პრეზიდენტმა. 

ეკონომკური სანქციების გაუქმების ერთადერთ გზად ჯან-კლოდ იუნკერი მინსკის შეთანხმებების შესრულებას მიიჩნევს.

“ჩვენ უნდა ვიმოძრავოთ წინ და გზა უკრაინით დავიწყოთ. უკრაინელმა ხალხმა თავად უნდა განსაზღვროს საკუთარი მომავალი, რომლის შექმნაც საკუთარი შვილებისთვის სურთ. ჩვენ უკრაინის არჩევანს პატივი უნდა ვცეთ. რუსეთი მინსკის შეთანხმების ერთ-ერთი მხარეა. ამიტომ მორიგი ნაბიჯები აშკარაა: საჭიროა, არც მეტი, არც ნაკლები, მინსკის შეთანხმებების სრული შესრულების უზრუნველყოფა.

ეს არის ერთადერთი გზა, რომლითაც ჩვენი მოლაპარაკებები უნდა დავიწყოთ, და ერთადეთი გზა ეკონომიკური სანქციების გასაუქმებლად”, - განაცხადა იუნკერმა.

ცნობისთვის, აღნიშნული განცხადება ევროკომისიის პრეზიდენტმა სანკტ-პეტერბურგში საერთაშორისო ეკონომიკური ფორუმის გახსნაზე გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს