საქართველოს საგარეო საქმეთა მინისტრის მოადგილემ, დავით ჯალაღანიამ და საქართველოში უკრაინის საქმეთა დროებითმა რწმუნებულმა, გიორგი ნაზაროვმა შეხვედრა გამართეს.

საგარეო საქმეთა სამინისტროს ინფორმაციით, შეხვედრაზე მხარეებმა საქართველო-უკრაინის ორმხრივი ურთიერთობები და მიმდინარე აქტუალური საკითხები განიხილეს.

მათივე ცნობით, შეხვედრაზე ქართული მხარის მიერ მიმდინარე წლის 14 ივნისს, ქართულ სატელევიზიო სივრცეში, ერთ-ერთ გადაცემაში უკრაინის გენერალური პროკურორის იური ლუცენკოს მიერ გაკეთებული ცალკეული განცხადებების გამო, რაც წარმოადგენს საქართველოს საშინაო საქმეებში ჩარევას წუხილი გამოითქვა.

შეხვედრაზე ქართულმა მხარემ აღნიშნა, რომ უკრაინის გენერალური პროკურორის შეფასებები ივანე მერაბიშვილის საქმესთან დაკავშირებით ევროსასამართლოს მიერ გამოტანილ გადაწყვეტილებაზე თავად ამ გადაწყვეტილების შინაარსს არ შეესაბამება. საგარეო საქმეთა სამინისტროში მიიჩნევენ, რომ ეს შესაძლოა, გენერალური პროკურორის არაინფორმირებულობამ გამოიწვია, შედეგად კი, მის მიერ საქმის არასწორი შეფასება მოხდა, ეს კი ორი ქვეყნის მეგობრულ ურთიერთობებს ჩრდილს აყენებს.  

ქართულმა მხარემ გამოთქვა მოლოდინი, რომ უკრაინული მხარე მოახდენს შესაბამის რეაგირებას ზემოაღნიშნულთან დაკავშირებით და მსგავსი ფაქტები აღარ განმეორდება.

თავის მხრივ,  ნაზაროვმა განაცხადა, რომ შესაბამისი ინფორმაცია ევროსასამართლოს გადაწყვეტილებასთან დაკავშირებით უკვე მიღებული აქვს და  საქართველოს პოზიციას კიევს დაუყოვნებლივ აცნობებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”