იურისტი ლია მუხაშავრია მიიჩნევს, რომ სტრასბურგის სასამართლოს ზედა პალატა უკეთეს შემთხვევაში ვანო მერაბიშვილის საქმეს არ განიხილავს. უარეს შემთხვევაში კი ზედა პალატა უფრო მეტ დარღვევებს აღმოაჩნეს, ვიდრე ეს ჩვეულებრივმა პალატამ დაწერა თავის გადაწყვეტილებაში.

ამის შესახებ იურისტმა „ექსპრესნიუსთან“ საუბრისას განაცხადა. მუხაშავრია ხელისუფლებას ურჩევს, მერაბიშვილი პატიმრობიდან გაათავისუფლოს.

„მერაბიშვილის საქმე სტრასბურგის სასამართლოს ჩვეულებრივმა პალატამ განიხილა. ასეთი გადაწყვეტილების გასაჩივრება ზედა პალატაში შეიძლება, ოღონდ თეორიულად. ზედა პალატა მხოლოდ განსაკუთრებულ შემთხვევებში იხილავს ხოლმე საქმეს, ან იმ შემთხვევაში როდესაც მხარე გაასაჩივრებს. შესაძლებელია თავისი ინიციატივითაც განიხილოს.

არ ვფიქრობ, რომ სტრასბურგის ზედა პალიტა ამ საქმეს განიხილავს. ან შეიძლება განიხილოს და უფრო მეტი დარღვევა დაუდგინოს საქართველოს ხელისუფლებას, ვიდრე ეს ჩვეულებრივმა პალატამ დაუდგინა. მთავრობას ვურჩევდი, რომ გადაწყვეტილება არ გაესაჩივრებინა. გამოეყენებინა კეთილი ნება და მერაბიშვილი პატიმრობიდან გაეთავისუფლებინა. რაც ვიცით მის შესახებ სრულიად საკმარისია მისთვის, როგორც დასჯის ღონისძიება. მისი პატიმრობის აზრს ვერ ვხედავ“, - განუცხადა ლია მუხაშავრიამ „ექსპრესნიუსს“.

ცნობისთვის, პარლამენტის ვიცე-სპიკერმა მანანა კობახიძემ განაცხადა, რომ სტრასბურგის სასამართლოს გადაწყვეტილებას საქართველოს ხელისუფლება ზედა პალატაში გაასაჩივრებს.

შეგახსენებთ, სტრასბურგში ადამიანის უფლებების ევროპულმა სასამართლომ დაადგინა, რომ ვანო მერაბიშვილთან მიმართებაში ადამიანის უფლებების ევროპული კონვენციის მუხლები დაირღვა. სასამართლოს დადგენილებით, საქართველოს მთავრობამ ვანო მერაბიშვილს 12 ათასი ევრო 3 თვის განმავლობაში უნდა გადაუხადოს. მათ შორის 4 000 ევრო პირადად ვანო მერაბიშვილს მორალური ზიანის ანაზღაურებისთვის, ხოლო 4 000-4 000 ევრო ადვოკატების ხარჯის ანაზღაურებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”