UEFA-მ რუსეთის ფეხბურთის ფედერაცია 150 ათასი ევროთი დააჯარიმა. რისი მიზეზიც საფრანგეთის ქალაქ მარსელში მომხდარი არეულობა გახდა, რომელშიც რუსი გულშემატკივრები მონაწილეობდნენ.

ამის შესახებ ინფორმაციას "რია-ნოვოსტი" აქვეყნებს.

მედია საშუალების ცნობით, UEFA-ს გადაწყვეტილებით, თუ რუსი გულშემატკივრების მონაწილეობით მასობრივი არეულობა გამეორდება, რუსეთის ნაკრები საფრანგეთში მიმდინარე ევროპის ჩემპიონატს გამოეთიშება.

ამასთან, რუსეთის სპორტის მინისტრმა ვიტალი მუტკომ უკვე აღნიშნა, რომ რუსული მხარე ევროპული ფეხბურთის ასოციაციების კავშირის გადაწყვეტილების გასაჩივრებას არ გეგმავს.

შეგახსენებთ, რომ საფრანგეთის ქალაქ მარსელში, ევროპის საფეხბურთო ჩემპიონატის დაწყებამდე, რუსი და ინგლისელი გულშემატკივრები ერთმანეთს დაუპირისპირდნენ. CNN-ის ინფორმაციით, ინციდენტის შედეგად სულ მცირე 31 ადამიანი დაშავდა.

France 24-ის ინფორმაციით, ჩხუბში დაახლოებით 100 ინგლისელი და 50 ადგილობრივი მოსახლე მონაწილეობდა. პოლიციამ არეულობის მონაწილეების წინააღმდეგ ცრემლსადენი გაზი გამოიყენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს