აშშ-ის პრეზიდენტის ბარაკ ობამას განცხადებით, გამოძიებას არ აქვს საფუძველი ივარაუდოს, რომ ომარ მატინი უცხოურ ტერორისტულ დაჯგუფებებთან იყო დაკავშირებული, - ამის შესახებ ბარაკ ობამამ გეი-კლუბზე განხორციელებულ თავდასხმასთან დაკავშირებით გაკეთებულ განცხადებაში აღნიშნა, რომელიც ქალაქ ორლანდოში მოხდა.

ბარაკ ობამას თქმით, თავდამსხმელზე გავლენა ინტერნეტში გავრცელებულმა ექსტრემისტულმა ინფორმაციამ მოახდინა.

“ამ ეტაპზე ჩვენ არ გავქვს მტკიცებულებები, რომ მას ექსტრემისტები მართავდნენ”, - განაცხადა აშშ-ის პრეზიდენტმა.

ამასთან, პრეზიდენტმა განმარტა, რომ ომარ მატინმა იარაღი ლეგალური გზით შეიძინა, რის გამოც ბარაკ ობამამ აშშ-ში იარაღის გავრცელების მარეგულირებელი კანონი გააკრიტიკა. ობამას თქმით, კანონმდებლობა ამ სფეროში არასაკმარისად მკაცრია.

შეგახსენებთ, რომ ორლანდოში, ღამის კლუბ “პულსზე” თავდასხმას 49 ადამიანის სიცოცხლე ემსხვერპლა, ხოლო 53 კი დაშავდა.

ფლორიდის ქალაქ ორლანდოში, ბარაკ ობამა 16 ივნისს გეგმავს ჩასვლას, რათა გარდაცვლილთა ხსოვნას პატივი მიაგოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს