საქართველოს პრეზიდენტის საგარეო ურთიერთობათა მდივანი თენგიზ ფხალაძე აღმოსავლეთ პარტნიორობის სამოქალაქო საზოგადოების ფორუმის წარმომადგენლებს შეხვდა.

პრეზიდენტის ადმინისტრაციის პრესსამსახურის ინფორმაციით, თენგიზ ფხალაძემ არასამთავრობოებს 5-9 ივნისს, საქართველოს პრეზიდენტის სტრასბურგსა და ბრიუსელში ვიზიტის შესახებ ინფორმაცია მიაწოდა.

მათივე ცნობით, მხარეებმა საქართველოს ევროინტეგრაციის და ვიზალიბერალიზაციის პროცესზე იმსჯელეს.

პრეზიდენტის საგარეო ურთიერთობათა მდივანმა არასამთავრობო ორგანიზაციების წარმომადგენლების მოსაზრებები მოისმინა.

ფხალაძის განცხადებით, მსგავსი ტიპის შეხვედრები მომავალშიც გაგრძელდება.

"მნიშვნელოვანია ამ საკითხებთან დაკავშირებით, სამოქალაქო საზოგადოების ჩართულობა, მათი ხედვა, მათი რეკომენდაციები და ძალიან მნიშვნელოვანია შეჯერებული ქმედება სწორედ იმ დროს, როდესაც აქტუალური ნაბიჯებია გადასადგმელი საქართველოს ევროპული ინტეგრაციის კუთხით", - განაცხადა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”