საქართველოს იუსტიციის მინისტრის თეა წულუკიანის განცხადებით, ვინაიდან ყოფილი მაღალჩინოსანი ვანო მერაბიშვილი არ იმყოფება წინასწარ პატიმრობაში, არამედ სასჯელს იხდის და  მისი ვადამდე გათავისუფლება არ იგეგმება, სტრასბურგის სასამართლოს  გადაწყვეტილება მასზე ვერ იმოქმედებს.

ამასთან, როგორც წულუკიანმა ჟურნალისტებს განუცხადა, იუსტიციის სამინისტროს სტრასბურგის სასამართლოში  ზეპირი განხილვა არ მოუთხოვია, ვინაიდან, მინისტრის შეფასებით, მერაბიშვილის საქმე ექსტრაორდინალური არ არის.

„ჩვენ არ ჩაგვითვლია, რომ ვანო მერაბიშვილის  საქმე არის რაიმე არაჩვეულებრივი, ან ისეთი ექსტრაორდინალური, რომელიც  მოითხოვდა ზეპირი   განხილვის მოთხოვნას სტრასბურგში,  ეს არის ერთი რიგითი პატიმრის რიგითი საჩივარი, ამიტომ, მე არ მომითხოვმია ზეპირი განხილვა, ეს იქნებოდა რესურსის ზედმეტი ხარჯვა. ხვალ გამოდის გადაწყვეტილება, არვიცით, რა თქმა უნდა, წინასწარ, რა იქნება   გადაწყვეტილებაში, მაგრამ რაც არ უნდა იყოს, ვანო მერაბიშვილი,  როგორც სხვა პატიმრები,  მისი პოლიტიკური გუნდიდან, რამდენიმე მათგანი  ახლა უკვე აღარ არის,  წინასწარ პატიმრობაში, ისინი იხდიან სასჯელს და კონკრეტულად ბატონი ვანო მერაბიშვილის შემთხვევაში არ იგეგმება მისი ვადამდე ადრე გათავისუფლება. აქედან გამომდინარე, ამაზე ხვალინდელი გადაწყვეტილება, როგორიც არ უნდა იყოს ის,  ვერ იმოქმედებს“,-განაცხადა თეა წულუკიანმა.

სტრასბურგის სასამართლო, ვანო მერაბიშვილთან დაკავშირებით სასამართლო გადაწყვეტილებას 14 ივნისს გამოაცხადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”