2016-06-12 15:03:31, 1392 ნახვა
მსოფლიო
აშშ-ი, გეიკლუბზე თავდასხმაში ეჭვმიტანილი ლიკვიდირებულია
აშშ-ში, ფლორიდის შტატში, მდებარე გეიკლუბში მასობრივ სროლაში ეჭვმიტანილი პირი ლიკვიდირებულია. ინფორმაციას ადგილობრივ პოლიციაზე დაყრდნობით CNN ავრცელებს. შემთხვევის შედეგად 20-მდე ადამიანი დაიღუპა, დაშავებულთა რაოდენობა კი, 30-ს აჭარბებს. ჯერჯერობით მომხდარის დეტალები უცნობია.
ფლორიდის შტატის ქალაქ ორლანდოში, გეიკლუბ Pulse-ში თავდამსხმელს მძევლები ჰყავდა აყვანილი.
პოლიცია მოსახლეობას ტერიტორიაზე მიახლოების საშუალებას არ აძლევდა, რადგან გეიკლუბში მყოფი უცნობი პირი აფეთქებითაც იმუქრებოდა.
ადგილზე ათობით სასწრაფო დახმარების მანქანააა მობილიზებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
