არც თუ ადვილია სრული თანხვედრა წარმოვიდგინოთ ამ კოალიციაში შემავალი პოლიტიკური პარტიების, მაგრამ უნდა ვივარაუდოთ, რომ ისინი გადალახავენ  5 %-იან ბარიერს“, - ასე გამოეხმაურა „ექსპრესნიუსთან“ საუბარში დამოუკიდებელ ექსპერტთა კლუბის პრეზიდენტი სოსო ცისკარიშვილი „საქართველოს პატრიოტთა ალიანსის“  ხუთ ოპოზიციურ პარტიასთან გაერთიანებას.

ცისკარიშვილის  შეფასებით, „პატრიოტთა ალიანსის“ ოპოზიციურ პარტიებთან გაერთიანება იქნება გარკვეული ბიძგი სხვა ოპოზიციური პარტიებისთვის, რომ თავი შეიკავონ ინდივიდუალურად წარდგენაზე, თუ ამის რესურსი ექნებათ.

„ეს გარკვეული სიახლე გახლავთ  ჩვენს პოლიტიკურ სივრცეში, რომ ასეთი რაოდენობა პოლიტიკური პარტიებისა იყოს როგორც ოპოზიციური სპექტრი  გაერთიანებული და მხოლოდ პოლიტიკური ვითარება არსებული ასეთი კოალიციის შედგენის საფუძველი. არც თუ ადვილია სრული თანხვედრა წარმოვიდგინოთ ამ კოალიციაში შემავალი პოლიტიკური პარტიების, მაგრამ უნდა ვივარაუდოთ, რომ ისინი გადალახავენ 5%-იან ბარიერს და ვისურვოთ, რომ რაიმე გაუგებრობა არ მოხდეს ამ სუბიექტებს შორის. უკვე სიის შედგენისას იყვნენ ისინი  უფრო შორსმჭვრეტელი და იფიქრონ ხვალინდელ ქათამზე და არა დღევანდელ კვერცხზე. სხვა მხრივ ეს  რასაკვირველია იქნება გარკვეული ბიძგი  სხვა ოპოზიციური პარტიებისთვის, რომ თავი შეიკავონ ინდივიდუალურად წარდგენაზე, თუ ამის რესურსი ექნათ რასაკვირველია საინტერესო იქნება  რომელ პარტიებს მოუნდებათ, რომელიმე არსებული პარტიის ფრთის  ქვეშ გაფრთიანება“, - განაცხადა ცისკარიშვილმა.

ცნობისთვის, „საქართველოს პატრიოტთა ალიანსი"  ხუთ ოპოზიციურ პარტიასთან ერთიანდება და საარჩევნოდ 6 პარტიისგან შემდგარ ბლოკს წარადგენს.

ბლოკში შემდეგი პარტიები არიან გაერთიანებული: "საქართველოს პატრიოტთა ალიანსი", კახა კუკავას პარტია "თავისუფალი საქართველო", კონსტანტინე გამსახურდიას პარტია "თავისუფლება", აკაკი ასათიანის პარტია "საქართველოს ტრადიციონალისტთა კავშირი", გოჩა ჯოჯუას პარტია "ახალი ქრისტიან-დემოკრატები" და გია ბერძენიძე - "ძალოვან ვეტერანთა და პატრიოტთა პოლიტიკური მოძრაობა".

საარჩევნო ბლოკის სახელწოდება იქნება "დავით თარხან-მოურავი, ირმა ინაშვილი - პატრიოტთა ალიანსი -გაერთიანებული ოპოზიცია". 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ