ახლადდაფუძნებული პოლიტიკური პარტიის „ახალი საქართველოს“ ლიდერი გიორგი ვაშაძე „ნაციონალური მოძრაობის“ დატოვების ერთ-ერთ მიზეად პარტიაში მიმდინარე არაჯსაღ პროცესებს ასახელებს.

როგორც ვაშაძემ „ექსპრესნიუსთან“ ინტერვიუში განაცხადა, 2014 წელს თვითმმართველობის არჩევნებზე „ნაცმოძრაობაში“ პრაიმერი მისი ინიციატივით დაინერგა, თუმცა თბილისის მერის არჩევნების დროს პრაიმერი თავად მოხსნა, ვინაიდან პროცესში გარკვეული პირები ერეოდნენ.

ვაშაძე კონკრეტული გვარების დასახელებისგან თავს იკავებს. ამბობს, რომ ეს წარსულია. იგი აქვე დასძენს, რომ პარტია მაშინ იმიტომ არ დატოვა, რომ ვითარების დარეგულირების ყველა რესურსი ამოწურული ჯერ კიდევ არ იყო.

„ნაცმოძრაობამ“ რეალური შანსი გაუშვა, ყოფილიყო პოლიტიკური პლატფორმა, სადაც ყველა ნიჭიერ ადამიანს საკუთარი შესაძლებლობების გამოვლენის შესაძლებლობა ექნებოდა. ყოფილიყო შიდა კონკურენცია.

ესეც ჩემი დანერგილი იყო. რაც შეეხება კანდიდატურის მოხსნას, ეს იმიტომ გავაკეთე, რომ პროცესები არასწორად წავიდა. იყო ხელოვნური ჩარევები და ა.შ.

ვინ ერეოდა, ახლა ამის დასახელებას არ აქვს გადამწყვეტი მნიშვნელობა“, - აცხადებს ვაშაძე.

ჟურნალისტის კითხვაზე სააკაშვილიც ხომ არ ერეოდა, პასუხობს რომ ექს-პრეზიდენტი ყველაზე ნაკლებად ერეოდა პროცესებში.

„სააკაშვილი ყველაზე ნაკლები პრობლემა იყო. ნაკლებად ერეოდა მართვის პროცესში. გახსოვთ, რომ ჩემს წერილში დავასახელე სახელები და გვარები, ჩემზე მეტი სახელი და გვარი არავის დაუსახელებია. ეს პირები ეროდნენ მართვის პროცესში. ეს წარსულია ამაზე დიდი ხნით „ჩაციკვლას“ არ ვაპირებ.

რაც შეეხება იმას, თუ მაშინვე რატომ არ წამოვედი პარტიიდან, ეს იმიტომ არ გავაკეთე, რომ ეს არ იყო საბოლოო წერტილი. დღესაც ძალიან ბევრი ჩემი მეგობარი და თანამოაზრეა „ნაცმოძრაობაში“. რესურსი მაშინ ჯერ კიდევ იყო დარჩენილი, რომ სიტუაცია შეცვლილიყო. ვიყავი იქამდე, სანამ მეგონა რომ პარტიის ტრანსფორმაცია მოხდებოდა“, - განუცხადა გიორგი ვაშაძემ „ექსპრესნიუსს“.

„ექსპრესნიუსი“ გიორგი ვაშაძესთან ინტერვიუს მოგვიანებით შემოგთავაზებთ.

შეგახსენებთ, გიორგი ვაშაძემ „ნაციონალური მოძრაობა“ 5 მაისს დატოვა. იგი პარტიის ლიდერებს - გიგა ბოკერიას, დავით ბაქრაძეს, მიხეილ მაჭავიანს, გოკა გაბაშვილსა და ხათუნა გოგორიშვილს დაუპირისპირდა. როგორც საგანგებო ბრიფინგზე განაცხადა, ის დაუპირისპირდა დახურული კაბინეტური მმართველობის სისტემას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ