საქართველოს თავდაცვის მინისტრის, თინათინ ხიდაშელის სამუშაო ვიზიტი ამერიკის შეერთებულ შტატებში დაიწყო. თავდაცვის მინისტრმა პირველი შეხვედრა თეთრ სახლში, ევრილ ჰეინსთან, აშშ-ის ეროვნული უსაფრთხოების საკითხებში მრჩევლის მოადგილესთან გამართა. შეხვედრას აშშ-ის პრეზიდენტის თანაშემწე ევროპის საკითხებში ჩარლზ კაპჩანიც ესწრებოდა.

როგორც საქართველოს თავდაცვის მინისტრმა განაცხადა, დღის წესრიგი უცვლელია - ქართულ-ამერიკულ ურთიერთობებში მეტი წარმატების მიღწევა, რომელიც სტრატეგიულ პარტნიორობს შორის ურთიერთობებს ახალ და განსაკუთრებულ ფაზაში გადაიყვანს. ამ ურთიერთობების შედეგები კი, დროის შემჭიდროებულ ვადებში, საქართველოს თავდაცვისუნარიანობის გაძლიერებაში იქნება გამოხატული. 
ორმხრივ შეხვედრაზე მხარეებმა მოახლოებული ნატოს ვარშავის სამიტის მოლოდინებზეც ისაუბრეს. როგორც თინათინ ხიდაშელმა განაცხადა, საქართველო მუდმივად გრძნობს ამერიკის ადმინისტრაციის მხარდაჭერას. ეროვნული უსაფრთხოების საკითხებში მრჩევლის მოადგილესთან გამართული შეხვედრის მთავარი მიზანი კი საქართველოს მიმართ აშშ-ის პოლიტიკური მხარდაჭერის კიდევ უფრო გაძლიერება იყო.

„თეთრ სახლში საუბარი, რა თქმა უნდა, ჩვენი ქვეყნის თავდაცვიუნარიანობის გაძლიერებას შეეხებოდა. ძალიან კარგი ახალი ამბები გვაქვს, მაგრამ ამის შესახებ უკვე თბილისში ვისაუბრებთ მას შემდეგ, რაც დავასრულებთ შეხვედრებს თავდაცვის და სახელმწიფო დეპარტამენტში. დღევანდელი შეხვედრა თეთრ სახლში საინტერესო გამოდგა, რადგან იმაზე მეტი სიურპრიზი დაგვახვედრეს, ვიდრე ველოდით. კიდევ ერთხელ ვამბობ, საუბარი მაქვს საქართველოს თავდაცვის და უსაფრთხოების გაძლიერების ნაწილზე ორი ქვეყნის ურთიერთობების გაძლიერების ფორმატში. მინდა ხმამაღლა ვთქვა, რომ ერთობლივი, წარმატებული სამხედრო სწავლება „ღირსეული პარტნიორი“ არის ამ ახალი და საინტერესო ამბების განმაპირობებელი“, - განაცხადა თინათინ ხიდაშელმა.

ევრილ ჰეინსთან შეხვედრამდე საქართველოს თავდაცვის მინისტრი დევიდ კრამერს შეხვდა, რომელიც 2014 წლის ნოემბრიდან მაკკეინის ინსტიტუტის ადამიანის უფლებათა და თავისუფლებათა მიმართულების დირექტორია. დევიდ კრამერი სხვადასხვა დროს იყო აშშ-ის მარშალის ფონდის ტრანსატლანტიკური კვლევების უფროსი მკვლევარი და ამერიკის შეერთებული შტატების სახელმწიფო მდივნის მოადგილე ჯერ ევროპისა და ევრაზიის (რუსეთი, უკრაინა, მოლდოვა, ბელორუსი), შემდეგ კი დემოკრატიის, ადამიანის უფლებათა და შრომის უფლებების საკითხებში.

საქართველოს თავდაცვის მინისტრის ვიზიტი ამერიკის შეერთებულ შტატებში 7 ივნისს დაიწყო და 10 ივნისს დასრულდება. ვიზიტის ფარგლებში დაგეგმილია თინათინ ხიდაშელის შეხვედრები აშშ-ის სახელმწიფო მდივნის თანაშემწე ვიქტორია ნულანდთან და ნატოს მოკავშირეთა ტრანსფორმაციის სარდლობაში. 8 ივნისს თავდაცვის მინისტრი სიტყვით გამოვა აშშ-ის ადმინისტრაციულ კონფერენციაზე. გაიმართება შეხვედრები აშშ-ის თავდაცვის დეპარტამენტშიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ