საქართველოს კალათბურთის ეროვნული ფედერაცია ვიცე პრეზიდენტმა კახა შენგელიამ და გამგეობის წევრმა თემურ დათიკაშვილმ დატოვეს.

ისინი ფედერაციას ბიუჯეტიდან მომავალი კალათბურთელებისათვის გამოყოფილი მილიონობით ლარის არამიზნობრივად გახარჯვაში ადანაშაულებენ.

საუბარია ესპანურ სასკი ბასკონიასთან გაფორმებულ ხელშეკრულებაზე და უკვე გახარჯულ მილიონ 300 ათას ლარზე. ორივე მათგანი მოითხოვს, უმოკლეს დროში ჩატარდეს რიგგარეშე ყრილობა და დაინიშნოს საქართველოს კალათბურთის ფედერაციის ახალი საპრეზიდენტო არჩევნები.

„დავტოვე კალათბურთის ფედერაცია. იმის გამო, რომ ვემიჯნები ფედერაციის პოლიტიკას. კალათბურთის განვითარებაზე სხვადასხვა ხედვები გვაქვს ყველა საკითხთან მიმართებაში. ეს დიდი ხანია გრძელდება. ეს არ არის დღეს და გუშინ დაწყებული. ვითხოვ კალათბურთის სამყარო შეიკრიბოს და განიხილონ და დროზე ადრე შევწყვიტოთ ეს არასწორი კონტრაქტი. ეს ფული ქართველ ბავშვებს უნდა მოხმარდეს და არა უცხოელი ბავშვების განვითარებას. ჩვენ არ ვართ შევეიცარია, რომ უცხოელი ბავშვები აღვზარდოთ“, - განაცხადა ფედერაციის უკვე ყოფილმა ვიცე-პრეზიდენტმა კახა შენგელიამ „რუსთავი 2“-თან საუბრისას.

თემურ დათიკაშვილის განცხადებით, ხდება თანხები არამიზნობრივად ხარჯვა. მისი თქმით, რიგგარეშე არჩევნები უნდა დაინიშნოს.

„როგორც კალათბურთის სამყარო გადაწყვეტს ისე უნდა იყოს. არ შეიძლება ამხელა თანხები არამიზნობრივად ხარჯვა, შესაბამისად რიგგარე შე არჩევნები უნდა დაინიშნოს“, - განაცხადა დათიკაშვილმა.

„რუსთავი 2“-ის ინფორმაციით, ცოტა ხანში ამ თემაზე ოფიციალურ კომენტარს  კალათბურთის ფედერაციის პრეზიდენტი, მიხეილ გაბრიჩიძე გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”