2016-06-01 19:57:06, 619 ნახვა
საზოგადოება
ზაზა გაბუნიამ პატარებს ბავშვთა დაცვის საერთაშორისო დღე მიულოცა
ბავშვთა დაცვის საერთაშორისო დღე აღინიშნა ნაძალადევის რაიონში.
ვეტარანთა კულტურისა და დასვენების პარკში ნაძალადევის გამგეობის ორგანიზებით, პატარებისთვის კოსტუმირებული, მუსიკალური შოუ გამართა. ღონისძიებაში რაიონის ჩვიდმეტივე ბაღის აღსაზრდელები მონაწილეობდნენ, რამდენიმე ნომერი 138-ე სკოლის მოსწავლეებმაც შეასრულეს.
ე.წ. კიკვიძის პარკის ტერიტორიაზე კოსტუმირებული ანიმატორები და ჯამბაზები პატარების განწყობაზე მთელი დღის განმავლობაში ზრუნავდნენდა ბავშვებს ტკბილეულით უმასპინძლდებოდნენ.
ღონისძიების ფარგლებში, მოეწყო ბაღის აღსაზრდელების მიერ შესრულებული ნახატების გამოფენა. ბავშვთა დაცვის საერთაშორისო დღე პატარებსა და მათ მშობლებს ნაძალადევის რაიონის გამგებელმა-ზაზა გაბუნიამ მიულოცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
