საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, გაეროს ბავშვთა ფონდის (UNICEF) ხელმძღვანელი საქართველოში საშა გრაუმანი, განათლებისა და მეცნიერების მინისტრის მოადგილე ლია გიგაური და პარლამენტის წევრები ბავშვთა დაცვის საერთაშორისო დღესთან დაკავშირებით პარლამენტში გამართულ ღონისძიებას დაესწრნენ.

ლტოლვილთა და განსახელბის სამინისტროს ინფორმაციით,  იძულებით გადაადგილებული ოცი წარჩინებული მოსწავლე და პირველი გიმნაზიის მე-7 კლასის მოსწავლეები,   საქართველოს პარლამენტში გამართულ ღონისძიებას დაესწრნენ. 

უწყების ცნობით, ახალგაზრდებმა ადამიანის უფლებათა დაცვისა და სამოქალაქო ინტეგრაციის კომიტეტის იმიტირებულ სხდომაში მიიღეს მონაწილეობა.

კომიტეტის თავმჯდომარემ ეკა ბესელიამ მოსწავლეებს ბავშვთა უფლებების დაცვის კონვენციის ძირითად პრინციპები გააცნო და მათ სახელმწიფოსა და ბავშვთა ურთიერთობებზე ესაუბრა.

იმიტირებულ საკომიტეტო სხდომაზე მოზარდებმა მათთვის საინტერესო კითხვებზე პასუხები პარლამენტის წევრებისგან მოისმინეს.

ცნობისთვის, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, ეკა ბესელიას ინიციატივით, მსგავსი ფორმატის ღონისძიება, მესამე წელია იმართება და უკვე ტრადიციად დამკვიდრდა. სხდომის დასრულების შემდეგ მოსწავლეებს სიმბოლური საჩუქრები გადაეცათ და მათთვის პარლამენტში საექსკურსიო ტური მოეწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”