ჩუღურეთის რაიონის გამგეობამ ბავშვთა დაცვის საერთაშორისო დღე სახალისო და საინტერესო ღონისძიებებით აღინიშნა.

თბილისის მერიის ინფორმაციით, კუმისის #34-ში მდებარე ახლად აშენებულ სკვერში პატარა სტუმრებმა ჩუღურეთის რაიონის გამგებელთან ზურაბ ჩიკვილაძესთან და საკრებულოს მაჟორიტარ დეპუტატთან რიმა ბერაძესთან ერთად სკვერის კედლები მოხატეს. კუმისის სკვერში ბავშვების მხიარულ განწყობაზე ანიმატორები, ჯამბაზები და სახის მომხატველები ზრუნავდნენ.

მათივე ცნობით, ბავშვთა საერთაშორისო დღესთან დაკავშირებით, ჩუღურეთის რაიონის გამგეობის ორგანიზებით კიდევ ერთი ღონისძიება გაიმართა - N26 საჯარო სკოლის წინ ზურაბ ჩიკვილაძემ და რიმა ბერაძემ თანამშრომლებთან და საჯარო სკოლის მოსწავლეებთან ერთად ფეხით მოსიარულეთათვის განკუთვნილი „ზებრა“ გადასასვლელი მოხატეს.

„ყველა ბავშვს ვულოცავ ბავშვთა დაცვის საერთაშორისო დღეს. ჩვენ შევეცადეთ, რომ 1 ივნისი განსხვავებული და სახალისო გაგვეხადა ჩვენი პატარებისთვის. სწორედ მათთან ერთად ჩვენ რამდენიმე სახალისო ღონისძიება ჩავატარეთ, მოვხატეთ ზებრა გადასასვლელი, გავაფერადეთ კედელი სკვერში და იმედია, ეს მხიარული დღე მათ დიდხანს ემახსოვრებათ,“ - განაცხადა ჩუღურეთის რაიონის გამგებელმა ზურაბ ჩიკვილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”