სოფლის მეურნეობის სამინისტროს ლაბორატორია თაფლის ხარისხობრივ მაჩვენებლებზე კვლევას სრული სპექტრით ახორციელებს. პარალელურად, აქტიურად მიმდინარეობს მუშაობა თაფლის უვნებლობის მაჩვენებლებზე  კვლევის ახალი მეთოდების დანერგვის მიმართულებით.

უწყების ცნობით, 2016 წლის მარტში, სოფლის მეურნეობის სამინისტროს ლაბორატორიის საერთაშორისოდ აღიარებული კვლევების ჩამონათვალს  თაფლის უვნებლობის მაჩვენებელზე კვლევის 13 პარამეტრი დაემატა. მათ შორის, კვლევები ქლორორგანული პესტიციდების ჯგუფზე, მძიმე მეტალებისა და რადიონუკლიდების ჯგუფზე. აქტიურად მიმდინარეობს ანტიბიოტიკების  ჯგუფზე კვლევის  პარამეტრების დანერგვაც.

სოფლის მეურნეობის სამინისტროს სურსათის ეროვნული სააგენტოს მიერ განხორციელებული მონიტორინგის შედეგებზე დაყრდნობით, სოფლის მეურნეობის სამინისტროს ლაბორატორიაში შემუშავებულია გეგმა, რომლის საფუძველზეც სააკრედიტაციო ნუსხას  სხვა მიმართულების კვლევები ეტაპობრივად დაემატება.

ლაბორატორიის თანამშრომლებს ახალი მეთოდების დანერგვის პროცესში დახმარებას საერთაშორისო ექსპერტები და ლატვიის სურსათის უვნებლობის, ცხოველთა ჯანმრთელობისა და გარემოს დაცვის ინსტიტუტის (BIOR)  ლაბორატორიის სპეციალისტები უწევენ.

სოფლის მეურნეობის სამინისტროს ლაბორატორია საერთაშორისო აღიარების მქონე მააკრედიტებელი ორგანოს  მიერ მინიჭებულ საერთაშორისო აკრედიტაციას, ISO 17025 ფლობს. შესაბამისად,  სოფლის მეურნეობის სამინისტროს ლაბორატორიაში ჩატარებული კვლევის  შედეგები ვალიდურია (აღიარებულია)  არა მარტო ქვეყნის მასშტაბით, არამედ საერთაშორისო დონეზეც.

აღსანიშნავია, რომ დღეისათვის საქართველოში ფუტკრისგან მიღებული პროდუქტის ხარიხსობრივ მახასიათებლებზე გამოკვლევას თაფლის ტექნიკური რეგლამენტი არეგულირებს. მიმდინარე წლის ივნისიდან,   სურსათის კვლევა  უვნებლობის აუცილებელ პარამეტრებზე სავალდებულო გახდება. აუცილებელი პარამეტრების ჩამონათვალიდან, გარკვეულ ნაწილზე,  სოფლის მეურნეობის სამინისტროს ლაბორატორია გამოკვლევას უკვე ახორციელებს.

მას შემდეგ, რაც  ევროკავშირმა  ქართული თაფლის ხარისხის კონტროლის/შემოწმების სისტემა აღიარა, საქართველოს მესამე ქვეყნების სიაში მოხვდება და  ადგილობრივ მეწარმეებს უფლება მიეცემათ ქართული თაფლი ექსპორტზე ევროკავშირში გაიტანონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”