კვიპროსის რესპუბლიკაში საქართველოს დამოუკიდებლობის დღის აღდგენის 25 წლისთავისამდმი მიძღვნილი საზეიმო მიღება გაიმართა. 
 
ღონისძიებას ესწრებოდნენ კვიპროსის რესპუბლიკის საგარეო საქმეთა მინისტრი იოანის კასულიდისი, მინისტრთა საბჭოს სხვა წევრები, დიპლომატიური მისიების ხელმძღვანელები, სხვადასხვა სახელმწიფო უწყების, ბიზნეს-წრეების, მას-მედიის, ქართული დიასპორის წარმომადგენლები.
 
კვიპროსის საგარეო უწყების ხელმძღვანელმა ქართველ ხალხს დამოუკიდებლობის დღე მიულოცა და საკუთარ გამოსვლაში  ხაზი გაუსვა ქვეყნებს შორის არსებულ ისტორიულ, კულტურულ კავშირებს და ორ ქვეყანას შორის თანამშრომლობის განვითარების სამომავლო პერსპექტივას. 
 
"საქართველოსა და კვიპროსს  შორის ურთიერთობაში ასევე მნიშვნელოვანი ადგილი უჭირავს საქართველოს  ევროპული მისწრაფებების საკითხს. კვიპროსი მზადაა მხარი დაუჭიროს საქართვლოს ვიზა ლიბერალიზაციის პროცესს."  - განაცხადა კვიპროსის საგარეო საქმეთა მინისტრმა. 
 
მიღების ფარგლებში გაიმართა  ქართული ეროვნული სამოსის, მინანქრის ნაკეთობებისა და ღვინის ჭურჭლის გამოფენა, ასევე  ქართული სიმღერის კვინტეტისა და დიასპორულ ორგანიზაციასთან არსებული ბავშვთა ცეკვის ანსამბლის წევრთა კონცერტი.

სპეციალურად მოწყობილ სივრცეში ასევე გაიმართა ქართული ღვინის დეგუსტაცია. მიღების პარალელურად ქართული დროშით განათდა სასტუმროს Hilton Nicosia ცენტრალურ ფასადი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ალ ჯაზირამ“ ირანზე აშშ-ის ბოლო დარტყმები ცეცხლის შეწყვეტის შემდეგ ყველაზე მასშტაბურად შეაფასა

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია